Ịjọọnụ 3:6 - IWE ỌNỊNỊ

⁶ Ọza ọnị ọza kẹnẹ ma, rẹ vị ọza kẹnẹ; ama ọza ọnị Ụhwẹ Ọnịnị ọ̀ọ ma, ọza Ụhwẹ Ọnịnị ọ́za ọnọọ vị nị.

Ịjọọnụ 3:6 ပူးပေါင်းရင်းမြစ်များ

Oyinyima 5:3

Adamị ọ sị gụ ịrayị eche ịhịnọnyị tụra ẹẹwụ, dị ọ ma ozi ọnọrụ ọnya nị. Ozi ọnọọ ô vene e, ọnị osusu ọ vị nị. Dị ọ yị ozi anị ọnọọ Ịsẹtị nị.

Oyinyima 6:12

Ịjị Ohomorihi maanị re ẹhẹ ka ộ ta divi, ka avaba ebira ọnị ọza kụkụ aa mẹ bemi vị ebira odivi,

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Ịjọọnụ 3:7

Asị o hí wu irenu ka mâ kà a wụ ka: ‘Â nyị ka è tenyi wu nịnị ma’!

Aniroomi 7:18

Mâ yẹ ka ẹmị anka ọzarẹyịrẹsụ, ẹ yị nyị ịsị ẹ yà ịnị ẹngụ amị ana zụ mẹ ka ma mẹ̀ ịsa ene zoza ọnyọọnyị. Ịzẹyịza mee sì ka maa mẹ̀ ịsa ana vọrọ, ama mẹyị zụ mẹẹ.

Aniroomi 7:25

Ama mâ kụ́ Ohomorihi avọ ka ini oze Ijeesu Ikirisiti Ananyị yị ọ vaa dọ mị. Ịsị maa kà yị: Ẹmị ụvọta aa sị ayị amị hẹkẹ ọda Ohomorihi, ama ẹngụ amị vị ana aa hẹkẹ ọda anaā sịị ọzaa mẹ ịvị.

Aniroomi 7:5

Ị mẹ̀ vịdị aa mẹ̀ ebira anka aza kẹnẹ mẹẹ̄ mẹ, yaa sị avaba ẹngụ ayịị mẹ̀ ịsa odivi ọnị ọchẹngụ ayịị̄ sì. Ọda ộ mẹ̀ ka ya hyakụụ mẹẹ hu avọọ. Isu ọ vị ọdịrẹma avaba ịsị ị vịdị vavọọ mẹ nị.

Aniroomi 8:13

Wàa mẹ̀ ebira anka ọchẹngụ awụ nịnị mè sì kẹnẹ, isu aa za a ịrẹsụ nị. Ama wàa zị oze ịnị ụvọ Ụhwẹ Ohomorihi sị ịsa edivi ọnị ọchẹngụ awụ nịnịị̄ sì tịtẹ saka-saka, ụ vaa yàra nịnị pooro zịna-zịna.

1 Anịkọrịntị 6:17

Ama ọza ọnị ọnịrị Ananyị yị ọ̀ọ sị vabẹ, ayị ọnya ẹ kụkụ nyị avọọ nị.

2 Anịkọrịntị 5:17

Ọza ọnịrị Ikirisiti ọ̀ọ sị vị ọnya, ọza ọnọọ ọ sị vara ọza ọwọọwa. Ịsa ọkụkụ ọ sị para hu, ọwọọwa ọ kụkụ vẹ nị.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Anikorasi 2:11

Ẹwụrị Ikirisiti ọ̀ọ sị vị ọnya nịnị, Ohomorihi ọ raà jị wụ nịnị ụvẹvẹnẹ; ọsọnị ọyị vị ẹngụ ụvẹvẹnẹ ana aā sị ụvọọ jị. Ikirisiti ọ̀ọ jị ọza ụvẹvẹnẹ, ọnị ọ vị ka ọ raà sị ebira anị ịyẹẹyẹ anaā mẹ ịvị kwooze.

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.