Ịjọọnụ 3:36 - IWE ỌNỊNỊ

³⁶ Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 3:36 ပူးပေါင်းရင်းမြစ်များ

Ijoovu 33:28

Ohomorihi ọ̀ raa dọ ọnị ha ka asị ọnị su ka ọnị ọ yịị yara ọnị dị ọnị o re ẹtẹ.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ahẹ Ụgama 49:19

Ama oni vi ene re vee sú anka aza ana vịdị hi ọvịdị anị ẹnịnị e yi kuku vee re ẹtohweyi.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Ịrịka 32:11

ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Iruuku 2:30

Ma raà sị eyi amị re ẹdọha

Iruuku 3:6

Avaba anẹhẹ vee re, Óhomorihi mẹmẹ aa dọ azaa há.’ ”

Ịjọọnụ 1:12

Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 10:28

Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 4:36

Ọza ana aa kụ́ ịsa ịnị aarẹ gụ, vaa dọ ọgụ, ịsa ana aa kụ́ụ gụ vị aza ana vaa yàra ị́dị Ohomorihi pooro zịna-zịna. Ọnọọ vaa mẹ ka ọza ene chire ịsa ọnịrị ọza ana kụ́ ịsa gụ è duduu jẹ.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 6:58

Agụvị avọọ, ẹmị ọnọnị ọ vị ịsọyịrị ọnọọ ana hụrẹ ẹbẹẹba vẹ nị. O yi véné ịsọyịrị oni ohiku awụ nịnị rị ịyẹẹyẹ, di e yi wusu. Àa vị ịsọyịrị ọnọnịị yọ, ọza tụra ọza ana àa rị ọọ, vaa yàra pooro zịna-zịna.”

Ịjọọnụ 8:51

Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Aniroomi 4:15

Ọda vị anaā mẹ ka Ohomorihi ọ̀ jị ịvị yị ọza; agụvị ka ẹ̀ yị nyị ọda, ẹ yị rẹ yaanị nyị ka ọza aa jịnẹ ọda.

Aniroomi 5:9

Agụvị anya oni o si che sẹ ẹtẹ o mè sú, Óhomorihi sị jị ịhị yị booro aanị nị. Yâ yẹ ka ọ hyakụ vaa dọ yịị háa hụụnị ọyịkụ anị ịnị ẹkụhị ọdịrẹma.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Anigaratiya 3:10

Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.”

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

1 Anịtẹsaronika 5:9

Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 3:18

Ene Ohomorihi rẹ hị́ eku ka ẹ yị vaa ngụ ịdị anị vaa tụ́? Aza ẹnẹ ẹ̀ yị rẹ sị ayị tụraa yọ nị.

Anihiburu 3:19

Agụvị avọọ, yée re ka ẹnịnị ẹ yị zụ ngụ, agụvị ka ẹnịnị ẹ yị sị ayị tụra Ohomorihi.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”