Ịjọọnụ 3:31 - IWE ỌNỊNỊ

³¹ “Ọza ana hụrẹ ẹbẹẹba vẹ, o huna avaba aza nị. Ọza ana hụrẹ ẹhẹ vẹ, anẹhẹ kẹnẹ ọ vị nị; vị ọ rẹ vaa kà ịrẹyị anka anẹhẹ avọọ nị. Ọza ana hụrẹ ẹbẹẹva vẹ, o huna avaba aza nị.

Ịjọọnụ 3:31 ပူးပေါင်းရင်းမြစ်များ

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịjọọnụ 1:15

Ịjọọnụ ộ vịdị kà ịrẹyị anị yị aza. Aa nọọ ka, “Ọza ọnị mị vịdị aa kà ịrẹyị anị yị, ka aa vẹ ị́rẹma amị, ama ọnị o huna mị nị, agụvị ka o si kù ọnị ọnị hụrẹ yà ịzọọ, dị a va yẹ ka aa ma mị.”

Ịjọọnụ 1:27

Ọza ọnọọ mị ka aa vẹ ị́rẹma amị nị; mẹ yị hyakụ yà ọza ana a vọrọ ka ọ̀ ngwa adava hụụnị ahụ anị.”

Ịjọọnụ 1:30

Ọza ọnị mị vịdị aa kà ịrẹyị anị yị ka: ‘Â nyị ọza ana aa vẹ ị́rẹma amị; ama oni o huna mị nị, agụvị ka o si kù ọnị ọ hụrẹ yà ịzọọ dị a va yẹ ka aa ma mị.’

Ịjọọnụ 3:30

 nyị ka ọnị ọ̀ọ nyị ụbanyịị hu avọọ, dị ẹmị èe weyii hu avọọ.”

Ịjọọnụ 6:33

Ịsọyịrị oni Ohomorihi sị yị aza, ọ vị ọza ana hụrẹ ẹbẹẹba vẹ ẹhẹ, dị ọ va mẹ ka anẹhẹ ẹ̀ zụ yàra nị.”

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Ịjọọnụ 8:23

Dị Ijeesu kà a yị wa ka, “Ịnị ẹhẹ ọnọnị ụ hụrẹ vẹ nịnị nị, ẹmị vị ana hụrẹ ẹbẹẹba vẹ, ẹ yị vị ẹhẹ ọnọnị ẹmị hụrẹ vẹ.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

Anihiburu 9:1

Ịnị oto ịpaapa, â nyị ọda ini oze ana a vọrọ ka ọza ọ̀ọ hẹkẹ Ohomorihi. A rẹ nyị aha ọnịnị ana aza mẹ.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

1 Ịjọọnụ 4:5

Ọnịsẹ onireche ẹnẹẹ vị ẹ́ẹhẹ, ịsa ẹhẹ ẹ́ rẹ yaa kà nị, agụvị avọọ anẹhẹ sị ụtọ pe wa nị.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”