Ịjọọnụ 3:3 - IWE ỌNỊNỊ

³ Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 3:3 ပူးပေါင်းရင်းမြစ်များ

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Ezikẹẹrị 36:26

Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị.

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 19:24

Dị ma rẹ kà a wụ nịnị ka: Ộ tụ́ akanya yị opisa ka ọ̀ zụ ngụ ịzị Ohomorihi yà aa mẹ ịjọva huna ọ mẹ̀ tụ́ akanya ka ịnyaakụmị ọ̀ ngụ ịnị uhwohwo ọrịhị na para hu.”

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Ịmaakị 10:14

Íjeesu mè re wa, ayị ọ sị kụ́ ọọ. Dị ọ ka, “Navọ ezi eweyi nịnị ẹ̀ vẹ ịda amị! Asị ụ dọ wa oro, agụvị ka ẹngụ ẹnẹnị ẹ nyị ịzị Ohomorihi yà aa mẹ ịjọva nị.

Ịmaakị 9:47

Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa sị eyi ọnya ngụ ịzị Ohomorihi yà aa mẹ ịjọva, hu ka wa nyị eyi ẹyịva, dị ụ wa ngụ ini ẹkụra,

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Ịjọọnụ 1:5

Etohweyi ọnọọ aa zẹtẹ ịnị ịrahụ, ama ịrahụ o yi huna a.

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 12:40

“Ohomorihi ọ sị wa gu eyi, ọ rẹ raà mẹ ka ayị ẹnịnị ọ̀ katẹngụ, agụvị asị eyi ẹnịnị re ẹtẹ, dị asị ẹnịnị zụ hụra yẹ ịrẹyị, dị asị ẹ rẹ và ká a vẹ, dị ọ̀ va mẹ wa ụkụ.”

Ịjọọnụ 3:4

Di Inikodemọsị tụ́ ohi, dị ọ ka, “Ọza ọ̀ọ sị vị ọzọkụ, a mẹmẹ re kuku zụ tenyi ọọ ma? Vị ọ́ọ́ vị ana zụ ngụ ịnị ịnẹ ọnyị anị, di è re tenyi ọ ma nị?”

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịkọrịntị 5:17

Ọza ọnịrị Ikirisiti ọ̀ọ sị vị ọnya, ọza ọnọọ ọ sị vara ọza ọwọọwa. Ịsa ọkụkụ ọ sị para hu, ọwọọwa ọ kụkụ vẹ nị.

Anigaratiya 6:15

Ọza ọ̀ọ jị ụvẹvẹnẹ oo, ọza ọ̀yị jị ụvẹvẹnẹ oo, ẹ yị nyị ọ mẹ̀ kà, avaba ẹnịnị vị ọnya. Ịsị ẹ vị ịrẹyị ẹtẹẹtẹrẹ ọ vị ka Ohomorihi ọ sị yị vara ọza ọwọọwa.

Anẹhwẹsọsị 2:1

Ịyẹẹyẹ, wê vịdị wusu nịnị agụvị akamawụ ọnịrị ịvị ọnị ụ waa mẹ nịnị.

Iwe Ọhụhị Imosiisi ana aa hị́ Ọyịvatụrọda 29:4

Booro ve tu ajịnị, Ẹnẹyịmavara ẹ yị zẹ ka eyi ẹnịnị o hweyi tu ọ.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1 Ịjọọnụ 2:29

Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

1 Ịjọọnụ 5:4

agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ: