Ịjọọnụ 3:2 - IWE ỌNỊNỊ

² Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 3:2 ပူးပေါင်းရင်းမြစ်များ

1 Ohinọyị 17:24

Dị ọnẹẹ ọnọọ kà a yi Erija dị ọ ka, “Booro aanị ẹmị va yẹ ka ọza Ohomorihi ụ vị nị. Ma rẹ sị yẹ ka ịrẹyị Ẹnẹyịmavara ụ waa kà ịzẹyịza nị.”

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 23:7

Eē sì ka àa kụ́ ẹnị ini ohu. E reē sì ka avaba aza ẹ̀ẹ hị́ ẹnị Ọga.

Imatiwu 23:8

Asị ụ rẹ̀ kà a ka àa hị́ wụ nịnị ‘Ananyị yị’! Ọza ịnya kẹnẹ ọ nyị wụ nịnị nị. Avaba awụ nịnị vị ẹyịnyara.

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Ịjọọnụ 1:38

Dị Ijeesu kana eyi, di o re ka ẹyaa dụ ọnịị vẹ nị. Ộ họ̀ wa ka, “Si u wee sì nịnị?” Dị ẹnịnị ka, “Iraabi, ịzị ụ ra?” (Iruvo “Iraabi” ọ vị “Iticha”.)

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Ịjọọnụ 12:37

Ijeesu ộ mị mẹ̀ ụkọrọ apọtẹrẹwa ọrụrụ-ọrụrụ éyi aza, ama ẹnịnị ẹ yị sị ayị tụra a.

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 2:11

Apọtẹrẹwa ọnọnị oni Ijeesu mẹ Íkana ịnị ẹtẹ Igariri ọ vị apọtẹrẹwa ịpaapa ọnọọ mẹ nị. Ọnị ọ sị sị igirima anị zụ̀, dị ezirẹma anị dọ ọ wụ́ nị.

Ịjọọnụ 20:16

Dị Ijeesu va kà a yọ ka, “Imeri!” Di Imeri kana eyi, dị ọ kà a ịnị ẹkụra Ihiburu ka, “Iraboni” (iruvo anị ọ vị “Iticha” à vị “Ọzwọzịsa”).

Ịjọọnụ 3:26

Di e ve tù Ịjọọnụ, dị ẹ ka, “Ọga, re, ọza ene ve tù wu ákẹnẹ Ijodani ịhị ọnọọ ọnị ụ dọ ivenu ịrẹyị anị avọọ, ọnị raa mẹ ọyịhwenyii yị aza; dị avaba aza aa nọ ịdị anị nị.”

Ịjọọnụ 4:31

Ịnị ụmẹ ọnọọ, ezirẹma Ijeesu ệ dá ịpẹ yọ ka, “Ọga, rị ịsa de!”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 6:2

Ọkọnị aza ệ saasa a na, agụvị ka ẹnịnị ê vịdị re ụkọrọ apọtẹrẹwa ọnị ọ mẹ ịnị ẹngụ ọnịkụ nịnị.

Ịjọọnụ 7:31

Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”

Ịjọọnụ 9:16

Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Anihwiripi 1:14

Ịnị ẹngwa ọnị mị yà aanị, ọ raà mẹ ka anda ayị ọrụrụ-ọrụrụ e che ayị za Ananyị yị hu avọọ, dị ẹ̀ kụkụ nyị ọtụtụrụma hu avọọ, dị ẹyaa kà ịrẹyị Ohomorihi, di è yi hí angwa nị.

Ọdọvịdị 6:27

Igidiyọnị ộ kụ ezi ahụ anị ịhịmba, dị ọ mẹ̀ ịsa ọnị Ẹnẹyịmavara kà yọ nị. Agụvị ka Igidiyọnị ô hí angwahi ịsị anovwoovu anị ọnịrị anẹkụra anị vaa mẹ̀, dị ọ mẹ avaba ịsa ẹnẹnị ịrahụ nị.