Ịjọọnụ 3:17 - IWE ỌNỊNỊ

¹⁷ Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

Ịjọọnụ 3:17 ပူးပေါင်းရင်းမြစ်များ

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Imatiwu 18:11

(Ẹmị Ozi ọza onigirima vị ana vẹ ka ma va dọ aza ene vú há.)

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Iruuku 9:56

Ẹmị Ozi ọza onigirima ọ yị vẹ ka ma va wụ̀ ọza, ẹ̀ yị vị ka ma dọ aza há”. Di e si hu aa nọ ẹkụra ọsa nị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 11:42

Ma rẹ yẹ ka ụụ̄ sị ụtọọ tụ́ ịnị ịrẹyị amị pooro nị Ọsọnị vị ọnị maa kà, agụvị aza ana jẹẹ ịzẹnị aanị, dị ẹ̀ zụ dọ wụ́ ka ẹwa tụ́ mị vẹ ẹhẹ nị.”

Ịjọọnụ 17:18

Maa tụ́ waa nọ ịnị ẹhẹ, anka ẹwụ mẹ̀ rẹ tụ́ mị vẹ ẹhẹ.

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 5:38

Ịrẹyị anị ọ yị rẹ yà ịnị ayị awụ nịnị, agụvị ka wẹ yị dọ ọza ọnị ọ tụ́ vẹ ẹhẹ wụ́ nịnị.

Ịjọọnụ 5:45

Asị u ne ro o nịnị ka ẹma va naa sị ịrẹyị awụ nịnịị tụ́ Ada amị ịrẹka nị. Â nyị ọza ana va naa sị ịrẹyị awụ tụ́ ọọ ịrẹka. Ọza ọnọọ ọ vị Imosiisi ọnị ụ sị eyi tụra nịnị nị.

Ịjọọnụ 6:29

Dị Ijeesu kà a yị wa ka, “Ịsa oni Ohomorihi ee sì ka wa mẹ nịnị, yị: Sị ayị tụra ọza ọnị ọ tụ́ vẹ ẹhẹ nịnị!”

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Ịjọọnụ 6:57

Ada amị ana yàra pooro zịna-zịna ọ tụ́ mị vẹ ẹhẹ nị. Ini oze anị ẹ́mị rẹ zị yàra pooro zịna-zịna nị. Avọọ gẹdẹ-gẹdẹ, ọza ana àa rị ọchẹngụ amị, ọnị rẹ vaa yàra pooro zịna-zịna ini oze amị.

Ịjọọnụ 7:29

Ama ẹmị â yẹ ẹ, agụvị ka ịdị anị mị hụrẹ vẹ nị; ọnị ọ rẹ tụ́ mị vẹ ẹhẹ nị.”

Ịjọọnụ 8:11

Dị ọnẹẹ ọnọọ ka, “Ọga, ẹ yị nyị, ọ!” Dị Ijeesu kà a yọ ka, “Ẹmị ẹ yị rẹ jị ịvị wụ; waa na, asị ụ kụkụ vana mẹ ịvị!”

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.