Ịjọọnụ 3:14 - IWE ỌNỊNỊ

¹⁴ A vaa nyị ka à sị ẹmị Ozi ọza onigirimaa tụ́ ẹba, anka Ímosiisi mẹ̀ sị ẹwụ tụ́ ẹba ịnị ụnọmị ịyẹẹyẹ avọọ,

Ịjọọnụ 3:14 ပူးပေါင်းရင်းမြစ်များ

2 Ohinọyị 18:4

Avaba ịzị aza anaā hẹkẹ orii yaa mẹ ori, vị oni o du ha saka-saka; di o wu ọhẹ ẹnẹ ẹ sị ịrẹta mẹ jẹẹ nị. Uyi Asẹra ori ọnẹẹ ẹnịnị vị ọnị ọ gara ha. Â nyị ẹ́wụ́ ọnị Imosiisi sị enyusẹ mẹ vị ọnị ọ rẹ gara ha. Ẹwụ ọnọọ aā hị́ Inehusitanị nị. Va ngụ ụmẹ ọnọọ, Anisirẹrị nịnị vị anaa rị eturare ịraa yị ẹ́wụ́ ọnọọ.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Imatiwu 26:54

Màa vavọọ mẹ, Íwe Ohomorihi mẹmẹ kụkụ vaa sẹ ka ịsị ẹ vaa mẹ yị?”

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Iruuku 24:20

Ohirẹsụ ẹbanyị irehi Ohomorihi ọnịrị ọdọvịdị ayị ệ sị ọọ chire aza ụvọ ka à mẹ̀ ọkarẹyị isu yọ, dị à kanyị ọọ za apavahị.

Ịjọọnụ 18:32

Avaba ẹsẹnị ệ mẹ, agụvị ịrẹyị oni Ijeesu vịdị kà, ọ̀ zụ sẹ, ọ màa kà a ẹngụ isu oni o vee sú.

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.