Ịjọọnụ 3:13 - IWE ỌNỊNỊ

¹³ Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ịjọọnụ 3:13 ပူးပေါင်းရင်းမြစ်များ

Ụhịrẹyị 30:4

Ẹnẹ na ẹbẹẹba, ene chi vẹ da? Ẹnẹ sị ụvọ za ahị da? Ẹnẹ sị achị gụ enyi ịrẹgụ da? Ẹnẹ tẹ ẹhị ẹhwị ẹtẹ avaba ẹhẹ? Ịrẹha ọza ọnọọ rị? Ịrẹha ozi anị rị? Kà a mị ẹnẹ ọ vị?

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 17:5

Ọga, sị igirima yị mị ị́dị awụ, igirima ọnọọ ọnị mị nyị, m mẹ̀ yà ịdị awụ hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 3:12

Màaa kà ịrẹyị ịsa ẹhẹ ọnọnịị yị wụ, dị ụ wẹ̀ yị dọ wụ́ nị; màa kụkụ va kà ịrẹyị ịsa ẹbẹẹba zụ̀ wụ, ụ mẹmẹ vaa dọ ọ wụ́?

Ịjọọnụ 3:31

“Ọza ana hụrẹ ẹbẹẹba vẹ, o huna avaba aza nị. Ọza ana hụrẹ ẹhẹ vẹ, anẹhẹ kẹnẹ ọ vị nị; vị ọ rẹ vaa kà ịrẹyị anka anẹhẹ avọọ nị. Ọza ana hụrẹ ẹbẹẹva vẹ, o huna avaba aza nị.

Ịjọọnụ 6:33

Ịsọyịrị oni Ohomorihi sị yị aza, ọ vị ọza ana hụrẹ ẹbẹẹba vẹ ẹhẹ, dị ọ va mẹ ka anẹhẹ ẹ̀ zụ yàra nị.”

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

Ịjọọnụ 6:42

Dị ẹnịnị ka, “Aanịka ẹ yị vị Ijeesu yị, ana ada anị rị Ijosẹẹhụ? Yâ yẹ ada anị ọnịrị ọnyị anị, ọ! Sị ẹ va mẹ ka ọ̀ọ kà a booro aanị ka ẹbẹẹba ọ́nị hụrẹ vẹ nị?”

Ịjọọnụ 6:46

Ọnọọ ọ yị vị ka â nyị ọza ene re Ada amị tụ́ eyi da, oo! Ẹmị ana hụụ ịdị Ohomorihi vẹ ịnya kẹnẹ, o re Ada amị nị.

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Ịjọọnụ 6:62

Wèe ve re ka ẹmị Ozi ọza onigirima aa varẹma hịrẹẹ nọ ịzị mị vịdị yà yọ?

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Odeyi 2:34

Idevidi ọnị ụvọta ọ yị hịrẹ nọ ẹbẹẹba, ama ộ kà a ka: “Ohomorihi Ananyị yị ộ kà a yị Ananyị mị ka: Yaayịtẹ éyi ụvọrị amị

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Aniroomi 10:6

Ama ịnị ka Ohomorihi ọ̀ za ọza ịrịka tụ́ ịnị ọnịrẹyịzẹyịza, agụvị ka ộ sị ayị tụra Ikirisiti, a rẹ nyị ịsị a kà ịnị anị. A ka, “Asị u ne roo ịnị ayị awụ ka ẹnẹ vaa nọ ẹbẹẹba ịda Ohomorihi?” (Ọnọọ vị ka dị ọ̀ na sị Ikirisiti chí vẹ.)

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

Anẹhwẹsọsị 1:23

Anịragụ Ohomorihi ọ vị ẹngụ Ikirisiti nị. Ịnị anịragụ, ị́sa Ikirisiti gụ tụ́ nị. Ikirisiti ọ mẹ ka avaba ịsa ẹ̀ gụ ini oze tura oze nị.

Iwe Ọhụhị Imosiisi ana aa hị́ Ọyịvatụrọda 30:12

Ọ yị nẹba na ngụ eguhi. Ẹ yị nyị ka wee họ̀ use ka ẹnẹ aa hịrẹ nọ ẹbẹẹba dị ọ na sị ọ chi vẹ va yị, agụvị yaa zụ wụ ọ, dị yaa saasa a?