Ịjọọnụ 3:11 - IWE ỌNỊNỊ

¹¹ Dị ma kà ịzẹyịza wụ, ịsa ọnị ị yẹ, ị yaa kà nị, dị ị raa dọ ivenu tụ́ ịnị ịsa oni i si re nị. Ama we yi sì ka wa dọ ịrẹyị ayị nịnị.

Ịjọọnụ 3:11 ပူးပေါင်းရင်းမြစ်များ

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ayịsaya 53:1

Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da?

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ayịsaya 65:2

Aza amị vị anayọkatẹngụ anaā mẹ̀ ịsa ẹnẹ ẹ̀ yị vọrọ, dị ẹ zị oze ẹnịnị, ama mê yi tenyi ẹngụ ọ̀yị za wa gụrị ẹngụ.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 1:11

Ộ vẹ ịnị ẹkụra anị, ama aza anị ẹ yị va dọ ọ.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 14:24

Ọza ene è yi sì ịrẹyị amị, ọ yị vaa sị ụvọọ za ịrẹyị amị. Ịrẹyị ọnị maa kà ọnị ụ waa wụ́ nịnị aanị, ẹ yị vị ịrẹyị ẹmị ụvọta ọ vị, ịrẹyị Ada amị ana tụ́ mị vẹ ẹhẹẹ yọ nị.

Ịjọọnụ 3:12

Màaa kà ịrẹyị ịsa ẹhẹ ọnọnịị yị wụ, dị ụ wẹ̀ yị dọ wụ́ nị; màa kụkụ va kà ịrẹyị ịsa ẹbẹẹba zụ̀ wụ, ụ mẹmẹ vaa dọ ọ wụ́?

Ịjọọnụ 3:13

Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Ịjọọnụ 5:43

Mâ vẹ ẹhẹ ịnị ịrẹha Ada amị, ama wẹ yị dọ mị nịnị; ama ọza ẹnẹsa ọ̀ọ vẹ ẹhẹ ịnị ịrẹha ẹngụ anị, vị ụ waa dọ ọ nịnị nị.

Ịjọọnụ 7:16

Dị Ijeesu tụ́ wa ohi, dị ọ ka, “Ịsị maa sịị zụ̀ aza aanị, ẹ yị vị ịrẹyị ẹmị ụvọta ọ vị, ama ịrẹyị Ọza ana tụ́ mị vẹ ẹhẹẹ yọ nị.

Ịjọọnụ 8:14

Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.

Ịjọọnụ 8:26

 nyị ịsa ọrụrụ-ọrụrụ ọnị mị zụ kà, dị ma rẹ sị jị ịvị wụ nịnị. Ama Ọza ana tụ́ mị vẹ ẹhẹ vị ọnịzẹyịza. Ịrẹyị anị ọnị mị wụ́, m maa kà a yị anẹhẹ nị.”

Ịjọọnụ 8:38

Maa kà ịrẹyị oni mi re ị́dị Ada amị, ama ẹwụ nịnị aa mẹ̀ ịsa ana ada ẹwụ nịnị kà wụ nịnị.”

Odeyi 22:18

Di mi re Ananyị yị, dị ọ kà a mị ka maa wụsẹ hụrẹ Ijerusarẹmị buru-buru, agụvị ka ivenu anị ọnị màa dọ, ẹnịnị ẹyị vaa dọ ọ wụ́.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ: