Ịjọọnụ 3:10 - IWE ỌNỊNỊ

¹⁰ Di Ijeesu tụ́ o ohi, dị ọ ka, “Áa vị ọzwọzịsa ẹwụ vị ini Anisirẹrị nịnị, dị ụ wẹ̀ yị yẹ ịsa ẹnẹnị nịị?

Ịjọọnụ 3:10 ပူးပေါင်းရင်းမြစ်များ

1 Ịtọpa 29:19

Ọ kà, Navọ wa mẹ ka ozi emi Isoromọnị ọọ sị avaba ayị anịị sị̀ ka ọnị ọọ saasa avaba ịrẹyị awụ; dị ọ̀ da irehi Ohomorihi ọnị mị hụvị anị tenyi avaba ịsa ẹnẹnị tịtẹ.

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 73:1

Ịzẹyịza Ohomorihi oo zoza yị Anisirẹrị, ọnịrị aza ana ayị ẹnịnị nị.

Ayịsaya 56:10

Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.

Ayịsaya 9:16

Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 11:19

Ẹnẹyịmavara kà ọnị vaa mẹ ka ẹnịnị ẹ̀ nyị ayị ọnya, dị ọnị sị ụkata ọwọọwa yị wa. Ọnị vaa dọ wa ayị ọkatẹngụ ana sị mẹ ịrẹta avọọ, dị ọnị sị ayị ọza yị wa,

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Iruuku 2:46

Ịhyẹgwẹta anị, di e ve ne tù ọ ini irehi Ohomorihi nị. Di e ne tù ka ộ yaayịtẹ ịnị akakana ọzwọzịsa nịnị di aa wụ́ ịrẹyị ẹnịnị, dị ọ raa họ̀ wa use ịrẹyị nị.

Iruuku 5:17

Ẹkụhị ọnya, dị Ijeesu raa zụ̀ aza ịsa nị. Â nyị Anihwarisi nịnị ọnịrị ọzwọzọda nịnị ana yaayịtẹ ịzọọ. Ẹnịnị vị ana hụrẹ avaba ẹkụra Igariri vẹ, ọnịrị Ijudiya beri Ijerusarẹmị. Ụkata Ohomorihi yà rị ọọ ana aa sịị mẹ aza ụkụ.

Ịjọọnụ 3:9

Di Inikodemọsị re tụ́ ohi, dị ọ ka, “Ị́sa ẹnẹnị mẹmẹ zụ mẹ mẹ?”

Odeyi 5:34

 nyị ọza ịnya ini anikootu ẹnẹẹ, ana vị Anihwarisi ana aā hị́ Igamariyẹẹrị. Ọzwọzọda ọ vị nị. Ộ nyị ụbanyị ẹtẹẹtẹrẹ ini eyi avaba aza. Dị ọ ka à kụ́ odeyi ẹnẹẹ jịnẹ tụ́ ẹhẹ chee nị.

Aniroomi 2:28

Àa ka à na kà, ayị vị ozi ẹtẹ Aniju ẹ vị Aniju obooro. Me yi re ụvẹvẹnẹ ana aā jịị yị aza aanị anka ụvẹvẹnẹ obooro.

Iwe Ọhụhị Imosiisi ana aa hị́ Ọyịvatụrọda 10:16

Agụvị avọọ, wụ̀ chire Ẹnẹyịmavara, dị asị ụ mẹ̀ ayị ọkatẹngụ hụrị ụmẹ tụ ọvịdị na.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anikorasi 2:11

Ẹwụrị Ikirisiti ọ̀ọ sị vị ọnya nịnị, Ohomorihi ọ raà jị wụ nịnị ụvẹvẹnẹ; ọsọnị ọyị vị ẹngụ ụvẹvẹnẹ ana aā sị ụvọọ jị. Ikirisiti ọ̀ọ jị ọza ụvẹvẹnẹ, ọnị ọ vị ka ọ raà sị ebira anị ịyẹẹyẹ anaā mẹ ịvị kwooze.