Ịjọọnụ 21:7 - IWE ỌNỊNỊ

⁷ Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.

Ịjọọnụ 21:7 ပူးပေါင်းရင်းမြစ်များ

Ahẹ Ụgama 118:23

Ẹnẹyịmavara ọ vavọọ mẹ nị, ịrẹyị ịtọmatọpa ọ vị ini eyi ayị nị.

Ahẹ Isoromọnị 8:7

Enyi ọ̀ọ rụrụ pooro, é yi zụ mi ịra oyisì ọnị ọza ọ nyị yị ọza. Ọhaara enyi ẹ́ yị zụ kụ́ ọ kwooze. Ọza ọ̀ọ ka ọnị aa sị avaba ogu anị yị aza ka è sì ịrẹyị anị, ịyẹyẹ kẹnẹ aa sị ẹngụ anịị mẹ̀ nị.

Ịmaakị 11:3

Àa nyị ọza ana kà a ka: ‘Sị ẹ vẹ dị ụ maanị aa mẹ?’ Kà a yọ nịnị ka, ‘Ananyị yị ee sì ọọ nị; Ọ vaa sịị tụ́ vaavẹ ịsọọnị-ịsọọnị.’ ”

Iruuku 12:35

“Tenyi ẹngụ nịnị! Dị ụ wa sị obo awụ nịnị sụ́ ọtẹ, di ozotupa awụ nịnị ọ̀ọ za!

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 7:47

Dị ma kà a wụ, ịvị anị ana rụrụ a raà vagu ọ ịnị anị. Ịrẹyị amị ọnọọ maanị sì aanị, ọ́ sị zụ̀ ka a raà vagu ọọ ịnị ịvị anị. Ọza ana àa vagu chee, vị ene sì ịrẹyị ọza chee.”

Ịjọọnụ 13:23

Ọnya ini ezirẹma ẹnẹẹ oni Ijeesu sì ịrẹyị anị vị ana yaayịtẹ gụrị Ijeesu gẹdẹ-gẹdẹ.

Ịjọọnụ 19:26

Ijeesu ô re ọnyị anị ọnịrị ozirẹma anị oni o sì ịrẹyị anị ka ẹ jẹẹ ịzọọ. Dị ọ kà a yị ọnyị anị ka, “Ịnya, ozi ewu yị!”

Ịjọọnụ 20:2

Di o zwe ne tù Ịsayịmọnị Ipita ọnịrị ozirẹma ọsa oni Ijeesu sì ịrẹyị anị. Dị ọ kà a yị wa ka, “Ẹ raà sị Ananyị yị hụụnị ikuta, ọ! Yẹ yị yẹ ịzị ẹ sị ọọ na tụ́.”

Ịjọọnụ 20:20

Ịjị ọ vavọọ sị kà, dị ọ sị ụvọ anị ọnịrị akaha anị zụ̀ wa nị. Ịjị ezirẹma nịnị sị Ananyị yị re, dị ẹ kụkụ aa jẹ kẹnẹ nị.

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 21:20

Ipita ộ kana eyi, di o re ozirẹma ọnọọ oni Ijeesu sì ịrẹyị anị, ọ màa dụ wa ịrẹma nị. Ọnị ọ rẹ yaayịtẹ gụrị Ijeesu aha ịsọyịrị di ee họ̀ use ka: Ananyị yị, ẹnẹ vaa sị wụụ chire ọnịvị awụụ ụvọ nị?

Ịjọọnụ 21:24

Ozirẹma ọnọọ ọ kà ịrẹyị ọnọnị, dị ọ rẹ chẹrẹ iwe ọnọnị tịtẹ nị. Yâ yẹ ka ịrẹyị ọnọọ kà vị ịzẹyịza

Ịjọọnụ 21:8

Di ezirẹma ana vọ ẹnị sị ẹpa oweyi ọnọọ vẹ nị. Ẹnịnị e yi noze rịrị ụtọ irehu, ẹnịnị vị ẹhụụ ahụ ẹchẹhị avọọ rịrị abobo. Di eyee tura ọha ọnọọ oni ivovo hi ịnị anị nị.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

2 Anịkọrịntị 5:14

Ịrẹyị ayị oni ọza oni Ohomorihi nyị mẹ̀ ohinọyị ka ọ̀ dọ yị há sì, aa sị oze zụ̀ yị nị. Ya sị yẹ ka ọza ịnya o sú yị avaba aza nị, ọnị ọ vị ka avaba ẹnị e ree wusu.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!