Ịjọọnụ 20:9 - IWE ỌNỊNỊ

⁹ Ẹnịnị ẹ̀ yị va yẹ Iwe Ohomorihi ana vịdị kà a ka Ijeesu vaa haa hụụnị isu.

Ịjọọnụ 20:9 ပူးပေါင်းရင်းမြစ်များ

Ahẹ Ụgama 16:10

Wẹ yị vaa hụrẹ mị ụvọọ chire iswọọza ụvọ wẹ yị rẹ vaa navọ ka ọza ana vị ọza awụ ò du ha hi ini ikuta.

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Iruuku 9:45

Ama ẹnịnị ẹ yị yẹ iruvo ịrẹyị ọnọnị, agụvị ka a raà sị iruvo anị tẹ yị wa, agụvị asị ẹ yẹ. Angwa ee hí wa ọyịhọ Ijeesu ini oze ịrẹyị ọnọọ.

Ịjọọnụ 2:22

Ụmẹ oni Ijeesu va sị ha hụụnị isu, dị ezirẹma anị va tamayị ka ọ́ vịdị vavọọ kà nị. Dị ẹnịnị dọ Iwe Ohomorihi wụ́ ọnịrị ịrẹyị oni Ijeesu kà nị.

Odeyi 17:3

Dị aa kà a yị wa, dị ọ raa sịị zụ̀ wa ka â nyị ka Ikirisiti ọ̀ rị ụya, dị ọ̀ rẹ ha kwẹẹtẹ hụụnị isu nị. Dị Ịpọọrụ ka Ijeesu ọnị ọnị aa kà ịrẹyị anịị yị wa aanị, ọ vị Ọdọzaha nị.

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

1 Anịkọrịntị 15:4

 sị ọọ tụ́ ịnị ụsị, dị a haa hụụnị isu ịhyẹgwẹta anị nị. Avọọ a mẹ̀ rẹ vịdị chẹrẹ ẹ tụ́ ini Iwe Ohomorihi nị.