Ịjọọnụ 20:1 - IWE ỌNỊNỊ

¹ Ẹnẹnẹ viri-viri, ịnị ẹkụhị ọsẹ, ẹtẹ oò yi hweyi, dị Imeri Anịmagịdara nọ ini ikuta, di o ne tù ka a sị ịrẹta zina hụụnị enoze ikuta ọnọọ nị.

Ịjọọnụ 20:1 ပူးပေါင်းရင်းမြစ်များ

Imatiwu 27:56

Imeri Anịmagịdara, ọnịrị Imeri ọnyị Ijemiisi ọnịrị Ijosẹẹhụ, ne beri ọnyị ezi Izebedi yà ịnị ẹnịnị.

Imatiwu 27:60

Dị ọ sị ọọ na tụ́ ịnị ụsị ọwọọwa ọnị ọ vịdị chị tụ́ ịnị ịrẹta yị ẹngụ anị nị. Dị ọ zina ịrẹta ọbanyị ọnya gù ụsị ọnọọ irenu nị.

Imatiwu 27:64

Agụvị avọọ, mẹ ọda ka è ne sere ikuta ọnọọ ẹtẹẹtẹrẹ pooro dị ẹkụhị ẹẹta ọ̀ gụ, agụvị asị ezirẹma anị re oze ne yi ọọ, dị ẹ̀ẹ kà a yị aza ka vị ọ ha kwẹẹtẹ nị. Ireche ọnọọ o vee divii hu ị́ịyẹẹyẹ nị.

Imatiwu 27:66

Dị ẹ na, dị ẹ sị apọtẹrẹwa tụ́ ịnị ịrẹta ọnọọ ka asa a nyị ọza ana kanyị ọọ nị. Dị ẹ nyị oserẹtẹ tụ́ ịzọọ ka òo sere e nị.

Imatiwu 28:1

Ịjị ẹkụhị ụhwọtụ sị para hu, ịnị ẹnẹnẹ ẹkụhị ọsẹ, Imeri Anịmagịdara ọnịrị Imeri ọsa ệ na ka eni è ne re ikuta ọnọọ.

Imatiwu 28:2

Re, dị ẹtẹ henyi jigi-jigi nị. Anggẹẹrị Ananyị yị ọnya ô chí hụrẹ ẹbẹẹba vẹ, di o ve zina ịrẹta ene gù ụsị ọnọọ irenu kwooze, dị ọ yaayịtẹ tụ́ ịrẹsụ anị nị.

Ịmaakị 15:46

Dị Ijosẹẹhụ na hị́ ịta ọvụ, di o chí oku Ijeesu hụrẹ ịrẹsụ apavahị, dị ọ sị ịta ọnọọ chire e ikuma nị. Dị ọ sị ọọ na tụ́ ịnị ụsị ana a vịdị sị chị tụ́ ịnị ịrẹta nị. Di o zina ịrẹta ọnya gù ụsị ọnọọ irenu nị.

Ịmaakị 16:9

[Íjeesu mẹ̀ yị ha hụụnị isu kẹnẹ ịnị ẹnẹnẹ viri-viri ẹkụhị ọsẹ, dị ahịka Imeri Anịmagịdara ọ vịdị sị ẹngụ zụ̀ nị; ọnị ọ vịdị dụ ụhwẹ echu ịhịmba hụụnị ẹngụ anị nị.

Ịjọọnụ 11:38

Ịrẹyị ọnọnị ọ rẹ kanyị Ijeesu ayị ẹnẹmẹhị, dị ọ nọ ini ikuta ọnọọ nị. Ụsị ana a chị tụ́ ịnị ịrẹta ịzọọ vị nị, dị a sị ịrẹta gu ọọ irenu nị.

Ịjọọnụ 11:41

Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 19:25

Ọnyị Ijeesu ọnịrị onyeyiza ọnyị anị beri Imeri ose Ikiropasị ọnịrị Imeri Anịmagịdara ệ jẹẹ gụrị apavahị Ijeesu.

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Odeyi 20:7

Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

1 Anịkọrịntị 16:2

Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.