Ịjọọnụ 2:16 - IWE ỌNỊNỊ

¹⁶ Ộ kà a yị aza ana aa ná arekuku ka, “Kụ́ ẹẹmẹ ẹnẹnị hụụ ịzẹnị nịnị! Asị ụ vara irehi Ada amị ohu nịnị!”

Ịjọọnụ 2:16 ပူးပေါင်းရင်းမြစ်များ

Ijeremaya 7:11

Ẹnẹyịmavara kà, vị irehi anị ọnọnị waa sị vara aha ọyị tẹ̀ yị anako nịnị nị? Ọnị ee re avaba ịsị waa mẹ nịnị o.

Imatiwu 21:12

Ijeesu ộ ngụ ini irehi Ohomorihi, dị aa dụ aza ana aa sẹ ohu ini irehi Ohomorihi ọnọọ nị. Dị ọ và iteevuru ọza anaā vara ẹkẹhị nịnị angga nị, ọnịrị aga aza anaā ná arekuku nịnị.

Imatiwu 21:13

Dị ọ kà a yị wa ka, “Â vịdị sị ọọ chẹrẹ ka: ‘A vaa hị́ irehi amị ịzị a yàā mẹ̀ aduwa.’ Ama ẹwụ nịnị ọ kụkụ sị ọọ vara ịzị ịjagụda nịnịị̄ tẹ̀.”

Imatiwu 22:5

Ama aza ẹnẹẹ ê sị eyi ịyẹyẹ re e, ọzọza o si hu aa jịnẹ; aza ẹnyị ệ nọ aarẹ, aza ẹnyị e si hu aa naa sẹ ohu.

Ịmaakị 11:17

Dị aa zụ̀ wa ịsa nị, dị ọ ka, “Aanịka Iwe Ohomorihi ọ yị vịdị sị ọọ kà ka: ‘A vaa hị́ irehi amị ịzị avaba anẹhẹẹ̄ mẹ̀ aduwa’? Ama ẹwụ nịnị ọ kụkụ sị ọọ vara ịzị anako nịnịị̄ tẹ̀.”

Iruuku 2:49

Dị Ijeesu kà a yị wa ka, “Sị ẹ vẹ di u wee sì mi nịnị? Aanịka wẹ yị yẹ nịnị ka â vọrọ ka ma yà ini eehi Ada amị?”

Ịjọọnụ 10:29

Ada amị ana kụ́ wa chire mi ụvọ, o huna avaba ọza nị; ẹ yị nyị ọza ana zụ dọ wa hụrẹ Ada amị ụvọ.

Ịjọọnụ 2:15

Dị Ijeesu sị obo, dị ọ sị mẹ ịjapa, dị aa sịị dụ aza ẹnẹẹ jịnẹẹ hụụnị irehi Ohomorihi nị. Dị ọ rẹ dụ imaaru ẹnịnị beri atẹmẹ ẹnịnị hi ẹhẹ nị. Dị ọ rẹ và iteevuru aza ana aa vara ẹkẹhị angga, dị ọ và ẹkẹhị ẹnịnị ha nị.

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Ịjọọnụ 8:49

Dị Ijeesu tụ́ ohi, dị ọ ka, “Mẹ yị nyị ụhwẹ echu, ama maa sị ụbanyịị yị Ada amị, dị ẹwụ nịnị ọ̀ yị sị ụbanyị mị nị.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.