Ịjọọnụ 2:10 - IWE ỌNỊNỊ

¹⁰ dị ọ ka, “Ọzọza àa mẹ̀ ịsa, eche ene zoza hu ẹ vịdịị sịị vẹ nị. Aza èe kụ́ eche hú, dị ọ va sị eche ẹnẹ ẹ̀ yị zẹẹ zoza vẹ ọgọnị. Ama vị ẹwụ yịị va sị eche ene zoza hu keekere vẹ aanị nọ!”

Ịjọọnụ 2:10 ပူးပေါင်းရင်းမြစ်များ

Oyinyima 43:34

Di Ijosẹẹhụ ka à da ịsa anị na yị wa nị, dị ahịka ịsa Ịbẹnjamịnị ọ banyị hu ẹẹnị ana vọ nị. Ịsa anị ô huna ẹẹnịnị oze ẹẹhị. Di ẹnịrị Ijosẹẹhụ hú echee, e mè zụ hú kẹnẹ nị.

Ahẹ Ụgama 104:15

Wâ mẹ ka ẹ̀ nyị eche ẹnị e vee hú dị ayị ẹnịnị òo hine, di ẹ̀ rẹ nyị angwẹ ene e ve sii sisi eyi, di eyi ẹnịnị ọ̀ọ swa. Ẹ rẹ nyị ịsọyịrị ana vaa sị ụkataa yị wa.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Imatiwu 24:49

di o nyima di ee tụ́ ezi ahụ ana vọ, dị aa rị dị ọnịrị ohweche nịnị ee hú eche nị,

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Odeyi 2:15

Aza ẹnẹnị e yi hú eche, anka u mè ro o nịnị. Vị agogo ịhịịna ẹnẹnẹ sụ́ kẹnẹ aanị nị.”

1 Anịkọrịntị 11:21

Mâ vavọọ kà, agụvị ka ọzọza vị anaā rị ịsa anị kẹnẹ, dị ụngwẹ aa kụ̀ aza ẹnyị, dị ịnẹ ee wù ọsa, dị eche aa mẹ rị ọọ.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Anịtẹsaronika 5:7

Ịrahụ aza sịị̄ sụ̀ ara nị, ịrahụ aza re siī hú eche ahaahara nị.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.