Ịjọọnụ 19:9 - IWE ỌNỊNỊ

⁹ Dị ọ rẹ varẹma nọ ini eehi, dị ọ na họ̀ Ijeesu ka ịzị ọ hụrẹ vẹ nị. Ama Ijeesu o yi tụ́ ọ ohi.

Ịjọọnụ 19:9 ပူးပေါင်းရင်းမြစ်များ

Ayịsaya 53:7

 mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị.

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 27:27

Dị isoja ịgọvọnọ ẹnẹẹ sị Ijeesu nọ ịnị ọba irehi anị nị, dị ẹ hị́ isoja nịnị ana vọ gụ kara a nị.

Iruuku 23:9

Ịhẹrọdị ộ họ̀ ọ use ịrẹyị irenyi-renyi, ama Ijeesu o yi tụ́ o ohi vụrụ-vụrụ.

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Ịjọọnụ 18:33

Dị Ipayireti varẹma ngụ eehi na, dị ọ hị́ Ijeesu, dị ọ ka, “Ẹwáá vị Ohinọyị Aniju nịnị nị?”

Ịjọọnụ 18:34

Dị Ijeesu ka, “Ẹwụ ụvọta ọ́ọ́ kà ịrẹyị ọnọnị nị, à vị aza ẹnẹsa ẹ kà ịrẹyị amị yị wụ nị?”

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ịjọọnụ 19:10

Dị Ipayireti va kà a yọ ka, “We yi tụ́ mi ohi ịrẹyịị? Wáá yẹ ka mâ nyị ọda ọyịhụrẹ wụ ụvọ, dị mị rẹ nyị ọda ọyịkanyị wụ za apavahị nị?”

Ịjọọnụ 19:8

Ịjị Ipayireti vavọọ wụ́ ịrẹyị ọnọọ, angwa o re hí ọọ hu avọọ.

Ịjọọnụ 8:14

Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.

Anihwiripi 1:28

Asị u hí angwa ọnịvị awụ nịnị vụrụ-vụrụ. Ọnọọ vaa sị zụ̀ wa ka ẹnịnị vee vu ẹtẹ, ama ẹwụ nịnị vaa nyị ehuna, ọnịrị ka Ohomorihi ọ yà ịrẹma awụ nịnị nị.

Ọdọvịdị 13:6

Dị ọnẹẹ ọnọọ na kà a yị ọva anị nị. Ọ kà â nyị ọza Ohomorihi ọnyara aanị ana sị mẹ anka anggẹẹrị ene ve tu ọnị. Ọ nyayịnẹ e chire ọza angwa nị. Ama ọnị ọ yị họ̀ ọ ịzị ọ hụrẹ vẹ, ẹ yị rẹ ka yị ọnị ịrẹha anị rị.