Ịjọọnụ 19:7 - IWE ỌNỊNỊ

⁷ Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Ịjọọnụ 19:7 ပူးပေါင်းရင်းမြစ်များ

Ayịsaya 53:4

Ama ụya ayị ọ́ dọ rị nị. Ẹngụ ana a vọrọ ka ọ̀ zị yị, ộ dọ ka ọ̀ zị ọnị. Eyi ê ro o ka Ohomorihi ọ vavọọ kụ ẹngụkata tụ ọ ọ̀yịsị ụya rị ọ nị.

Ireevi 24:16

Ọza ana àa ka kẹnẹ-kẹnẹ chire ịrẹha Ẹnẹyịmavara vị ana á vaa wụ̀; avaba ịragụ ẹ̀ kụ̀ ọ ịrẹta. Àa vị ọzọga, àa vị ozi ẹtẹ ọ kà kẹnẹ-kẹnẹ chire ịrẹha Ẹnẹyịmavara nị, à wụ̀ ọ.

Ịmaakị 15:39

Ọga ana sị eyi pe isoja ẹchẹhị nịnị ana jẹẹ và eyi ká Ijeesu ô re e, o meme nowu, dị ọ hụrẹ ụhwẹ ụvọ; dị ọ ka, “Ịzẹyịza, ọnọrụ ọnọnị vị Ozi Ohomorihi!”

Ịjọọnụ 19:8

Ịjị Ipayireti vavọọ wụ́ ịrẹyị ọnọọ, angwa o re hí ọọ hu avọọ.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Odeyi 18:13

Dị ẹ ka, “Ọnọrụ ọnọnị aa za aza ka ẹ̀ẹ hẹkẹ Ohomorihi ini oze ọnị ọda ayị ọ̀ yị zẹẹ.”

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.