Ịjọọnụ 18:12 - IWE ỌNỊNỊ

¹² Di isoja nịnị ẹnẹẹ beri ọga ẹnịnị ọnịrị iporisi Aniju nịnị za Ijeesu, dị ẹ sụ́ ọọ nị.

Ịjọọnụ 18:12 ပူးပေါင်းရင်းမြစ်များ

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

Oyinyima 40:3

Dị ọ ka a kụ́ wa ne hi ini ẹngwa nị. Ọga isoja ana si eyi pe irehi ohinọyị ọ sị eyi pè ẹngwa ịzọọ nị. Ịzọọ Ijosẹẹhụ ọnị rẹ yà aa mẹ ẹngwa nị.

Ahẹ Ụgama 118:27

Ẹnẹyịmavara ọ vi Ohomorihi nị. Ọ raà mẹ ka ò zoza yị. Jị avị rị ụvọ, dị waa jẹ ịrajẹ nịnị, dị waa nyị ẹzẹẹ kara aha ịsọvọ nịnị.

Imatiwu 26:57

Aza ana za Ijeesu, ệ sị ọ nọ ịdị Ịkayapa ana vị ohirẹsụ ọbanyị irehi Ohomorihi. Ọzwọzọda nịnị ọnịrị ọdọvịdị nịnị ẹ sị wara gụ ịzọọ.

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Imatiwu 27:27

Dị isoja ịgọvọnọ ẹnẹẹ sị Ijeesu nọ ịnị ọba irehi anị nị, dị ẹ hị́ isoja nịnị ana vọ gụ kara a nị.

Ịmaakị 14:53

Ệ za Ijeesu nọ ịdị ohirẹsụ ọbanyị irehi Ohomorihi. Dị avaba ohirẹsụ ẹbanyị irehi Ohomorihi ọnịrị ọdọvịdị nịnị ne beri ọzwọzọda nịnị wara gụ ịzọọ nị.

Ịmaakị 15:1

Ịnị ẹnẹnẹ viri-viri, ohirẹsụ ẹbanyị irehi Ohomorihi beri ọdọvịdị nịnị ẹnịrị ọzwọzọda nịnị ne beri avaba ọmọkarẹyị nịnị ê gẹ eyi, dị ẹ sụ́ Ijeesu orupa, dị ẹ vàa tụ́ ọvịdị, dị ẹ sị ọọ ne chire Ipayireti ụvọ nị.

Iruuku 22:54

Ệ za Ijeesu, dị ẹ sị ọọ nọ ini eehi ohirẹsụ ọbanyị irehi Ohomorihi nị. Dị Ipita aa dụ ọọ na ẹ́nẹẹnẹ nị.

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Odeyi 21:31

Aza ẹnẹẹ ee sì ka ẹnị ẹ̀ wụ Ịpọọrụ. Dị a wụsẹ tụ́ ne tù ọga ọbanyị isoja nịnị ka ịrẹkụ ọ sị chị tụ́ Ijerusarẹmị nị.

Odeyi 21:37

A màa vaa sị Ịpọọrụ naa ngụ ini eehi isoja nịnị ẹnẹẹ, dị ọ kà a yị ọga ọbanyị ọnọọ ka, “Méé re oze pe wu kà ịrẹyị?” Dị ọga ọbanyị ọnọọ ka, “Wa zụ kà Igirikii?

Odeyi 23:10

Ịjị ahankata ọnọnị ta ngụra, dị ọga ọbanyị isoja nịnị ọnọọ kuku ee hí angwa ka asị aza gà Ịpọọrụ hi nị. Dị ọ ka isoja nịnị anị è chí nọ ịda aza ẹnẹẹ, dị ẹ̀ na sị ụkata sị Ịpọọrụ hụụ ịzọọ, dị ẹ̀ sị ọọ na tụ́ ini eehi isoja nịnị.

Ọdọvịdị 16:21

Ịjọnọọ, dị Anihwirisiti nịnị za a dị ẹ tụ eyi anị ẹyịịva, dị ẹ sị ọ nọ Igaza nị. Ịjị e tu ịzọọ, dị ẹ sị ẹba tụ ọ ahụ, dị ẹ sị ọ tụ ịnị ẹngwa nị, dị Ịsamịsịnị aa kwọ ịsa yị wa ịnị ẹngwa ịzọọ nị.