Ịjọọnụ 18:1 - IWE ỌNỊNỊ

¹ Ịjị Ijeesu vavọọ sị ịrẹyị ẹnẹẹ kà kẹnẹ, dị ọnịrị ezirẹma anị hụụ ịzọọ, dị ẹ nọ akẹnẹ okuha Ikidironi nị. Â nyị ụbazị ọnya ịzọọ, dị Ijeesu ọnịrị ezirẹma anị ngụ ịnị ụbazị ọnọọ nị.

Ịjọọnụ 18:1 ပူးပေါင်းရင်းမြစ်များ

Oyinyima 2:15

Ẹnẹyịmavara Ohomorihi ộ sị ọza ọnọọ, dị ọ sị tụ́ ịnị ụbazị Edẹnị nị. Ọ kà òo tenyii hi ọ, di òo sere e.

Oyinyima 3:23

Di Ẹnẹyịmavara Ohomorihi dụ ọ jịnẹ hụụnị ụbazị Edẹnị nị, ka ọ̀ naa dà aarẹ tụ́ ịnị ẹtẹ ana dà a di a sị mẹ̀ ẹ.

2 Ịsamụwẹrị 15:23

Avaba aza ẹnẹẹ màa parahu, dị avaba anẹkụra ọnọọ aa tụ́ orere vavavaa nị. Ohinọyị ọnị rẹ na para okuha Ikidironi hu, dị avaba aza ẹnẹẹ sị ịrẹsụ kà ụnọmị aa na nịị.

1 Ohinọyị 15:13

Ọnyị anị Imaaka ộ nyị ori anaā nyị ọza ịhyẹrẹ ana aā hị́ Asẹra agụvị avọọ dị Asa jị ọ hụụnị udi ose ohinọyị nị. Dị Asa za ori anaā nyị ọza ịhyẹrẹ ọnọọ dị ọ dà a, dị ọ na rị wa ịra ini orosi Ikidironi nị.

1 Ohinọyị 2:37

Ịhị àa vị ka wâ jịnẹ tụ́ ẹhẹ, dị wụ para okuha Ikidironi hu, yẹ o ka vi wee sú nị! Wèe sú, ẹwa vaa rị ịvị ẹngụ awụ.”

2 Ohinọyị 23:12

Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi.

2 Ohinọyị 23:4

Ohinọyị ộ mẹ̀ ọda yị Ihirikaya ọnịrị ohirẹsụ irehi Ohomorihi nịnị anaā gụ ọ ụvọ beri ẹnị oserẹtẹ ana ya oze ụkọrọ ka ẹ kụ́ avaba ẹnya ori Ịbaarị, Asẹra ọnịrị ụzọmị hụụnị irehi Ẹnẹyịmavara. Dị ohinọyị rị wa ịra Ikidironi, dị a kụ́ atịtọ anị nọ Ịbẹtẹrị nị.

2 Ohinọyị 23:6

Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ.

2 Ịtọpa 15:16

Ohinọyị Asa ô du ọnyị anị ọbanyị hụrẹ udi ose ohinọyị, ọnyị anị ọbanyị ộ mẹ̀ uyi ori ana aā hị́ Asẹra ẹnẹ ẹ ka ọọ̄ mẹ̀ ka ịsa ọ̀ mẹ yị aza. Asa ộ dà ori ọnọọ nya ẹtẹ, dị o che e piri-piri, dị ọ rị opiri-opiri anị ịra inozi Ikidironi nị.

2 Ịtọpa 29:16

Ohirẹsụ irehi Ohomorihi ệ ngụ ịnị ịnẹ irehi Ẹnẹyịmavara na za ido anị. Dị ẹ kụ́ ịsa enyisi ene e re hụụnị irehi Ẹnẹyịmavara va tụ́ ịnị ohweje, dị Anireevi nịnị kụ́ wa na va ha Ikidironi nị.

2 Ịtọpa 30:14

Dị ẹnịnị kụ́ avaba ụta ịsọvọ ọnịrị ana aā sị rị eturare ịra hụrẹ Ijerusarẹmị na va ha ana a hị́ Ikidironi.

Inehemaya 2:15

Agụvị avọọ, dị Inehemaya va chi hụrẹ ịzọọ na ngụ inozi Ikidironi ne re ọvọ ana vọ nị, dị ọ varẹma zị oze ọbanyị inozi va ngụ ẹkụra nị.

Ijeremaya 31:40

Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ireevi 2:6

Wàaa sị ọ vẹ vaa mẹ̀ ịsọvọ, ụ dà a wuri-wuri, dị a và angwẹ ọnọọ hi ọ.

Imatiwu 26:30

Dị ẹ jị ahẹ ọnya, dị ẹ hụụ ịzọọ, dị ẹyaa nọ ịnị Ataba Orivi nị.

Imatiwu 26:36

Ijeesu ọnịrị ezirẹma anị e ve tù ịzị aā hị́ Ịgẹtịsẹmanị. Dị ọ kà a yị wa ka, “Yaayịtẹ ịzẹnị nịnị, ka maa naa mẹ̀ aduwa ịzọsọọ!”

Ịmaakị 14:26

Dị ẹ jị ahẹ ọnya, dị ẹ hụụ ịzọọ, dị ẹyaa nọ ịnị Ataba Orivi nị.

Ịmaakị 14:32

Ẹnịnị e ve tù ịzị aā hị́ Ịgẹtịsẹmanị. Dị Ijeesu kà a yị ezirẹma anị ka, “Yaayịtẹ ịzẹnị nịnị, ka maa naa mẹ̀ aduwa!”

Ịmaakị 14:42

Kwẹẹtẹ, ya na nịnị! Ọza ana aa sị mịị chire ọnịvị amị ụvọ, aa vaa ngụ ịzẹnị.”

Ịjọọnụ 14:31

Maa mẹ avaba ịsa ana Ada amị mẹ ọdaa mị ka ma mẹ, agụvị dị anẹhẹ ẹ̀ zụ yẹ ka mê sì ịrẹyị Ada amị. Vẹ ya hụụ ịzẹnị, ya na nịnị!”

Ịjọọnụ 18:26

Ọnya ini ezi ahụ ohirẹsụ ọbanyị irehi Ohomorihi ọnọọ vị anda ọza oni Ipita vịdị sị ụhwọ jị ụtọ. Dị ọnọọ ka, “Aanịka m mè yi re ẹwụrị ọọ ịnị ụbazị nị?”

Odeyi 21:11

O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”