Ịjọọnụ 17:22 - IWE ỌNỊNỊ

²² Ụbanyị ọnị ụ sị mị, ẹ́mị rẹ sị yị wa nị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya.

Ịjọọnụ 17:22 ပူးပေါင်းရင်းမြစ်များ

Ịmaakị 6:7

Ijeesu ộ hị́ ezirẹma anị ẹwụrẹva, dị ọ tụ́ wa ẹvẹẹva jịnẹ nọ ẹhẹ nị. Ộ sị ụkata yị wa ka ẹ̀ẹ dụ ụhwẹ echuu jịnẹẹ hụụnị ẹngụ aza.

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 1:16

Agụvị ka ô sì ịrẹyị ẹnẹmẹhị, ộ mẹ̀ ọyịza yị avaba ayị; dị aa mẹ ẹyị ẹyịza irenyi-irenyi nị.

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

1 Ịjọọnụ 3:24

Ọza ana àa saasa ọda Ohomorihi, ọnịrị Ohomorihi ọ sị vị ọnya, Ohomorihi ọnịrị ọza ọnọọ ọ sị vabẹ. Ịsị ẹ sị zụ̀ yị gedebee ka ẹyịrị ọ vị ọnya yị: agụvị Ụhwẹ Ọnịnị anị ọnị ọ sị yị.

1 Ịjọọnụ 4:17

Aanị oyisì Ohomorihi mẹmẹ vaa gụ tụ́ ịnị ayị ayị nị, ọnị ọ vị ka ịnị ẹkụhị ọkarẹyị, ị vaa nyị ayọnẹtẹ agụvị ka ebira ayị ịnị ẹhẹ óo véné Íjeesu Ikirisiti.

Ẹtore 21:14

Ọvọ ẹkụra ọnọọ vị ana a dà tụ́ ịrẹta ẹwụrẹva. Dị a chẹrẹ ịrẹha ezirẹma Ozi Atẹmẹ ọnọọ tụ́ ọnị.