Ịjọọnụ 17:2 - IWE ỌNỊNỊ

² Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 17:2 ပူးပေါင်းရင်းမြစ်များ

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 17:9

“Maa mẹ̀ aduwaa yị wa. Mẹ yị mẹ̀ aduwa yị anẹhẹ kẹnẹ, aza ọnị ụ sị mị, m maa mẹ̀ aduwaa yị nị, agụvị ka áawụ ẹ vị nị.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Ịjọọnụ 6:39

Ịsị ọza ana tụ́ mị vẹ ẹhẹ sì ka ma mẹ, yị: ka avaba aza ọnị ọnị kụ́ chire mi ụvọ, asa a nyị ikonya oni mi vú; ama dị ma ha wa hụụnị isu ịnị ẹkụhị ọdịrẹma.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

1 Anịkọrịntị 15:25

 nyị ka Ikirisiti, ọ̀ mẹ ohinọyị pooro ne tù ụmẹ oni Ohomorihi vaa nyị ehuna avaba ọnịvị anị, dị ọ kụ́ ahụ hi wa.

Anẹhwẹsọsị 1:20

Ụkata ọbanyị ana aa sịị mẹ̀ ụkọrọ ịnị ẹngụ ayị ọnịrị ụkata ọbanyị ọnị ọ sị há Ikirisiti hụụnị isu vị ọnyọọnya. Ụkata ọnọọ ọ rẹ sị sị Ikirisiti na yaayịtẹ éyi ụvọrị anị ẹ́bẹẹba nị.

Anihwiripi 2:10

Avaba ịsa ene hi ẹbẹẹba ọnịrị ẹhẹ beri ini eku, ẹ̀ẹ wụ́ ịrẹha Ijeesu, e vee kú ẹtẹẹ yọ.

1 Itimoti 1:16

Agụvị avọọ Ohomorihi va vayị amị nị, agụvị dị Ijeesu Ikirisiti ò re oze sị zụ̀ aza ka ọnị ọ́ọ nyị isuuru ẹtẹẹtẹrẹ, ịnị ka ộ nyị isuuru yị ẹmị ene divi hu avaba aza. Ọnọọ vaa mẹ ka aza anaa vanaa sị ayịị tụra, dị ọ̀ mẹ ka ẹ̀ yàra pooro zịna-zịna, ẹ̀ zụ kọ ịrẹyọyẹ hụụnị anị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

1 Ịjọọnụ 1:2

Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.