Ịjọọnụ 17:13 - IWE ỌNỊNỊ

¹³ “Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

Ịjọọnụ 17:13 ပူးပေါင်းရင်းမြစ်များ

Inehemaya 8:10

 kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata.

Ahẹ Ụgama 126:5

Aza ana ahịka vi e yee sụ́ ùnè é mèe chire ịsa nị, navọ ẹ̀ẹ yaa kụ́ ịsa ọnọọ hụụnị aarẹ ahịka vị ẹ kụkụ aa jẹ nị.

Ahẹ Ụgama 43:4

Màa vavọọ nyị ẹtohweyi ọnịrị ịzẹyịza awụ, mê re oze aa nọ aha ịsọvọ awụ haara Dị ma vavọọ aa nọ ịda ẹwụ Ohomorihi amị ana aā mẹ ka maa jẹ ịrajẹ, dị ịnẹ amị òo hine Dị mị sị agidibò dị maa sịị jị ahẹ kụ́ wụ avọ Ohomorihi, ẹwa vị Ohomorihi amị nọ!

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 15:11

M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 17:11

Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Ịjọọnụ 7:33

Dị Ijeesu ka, “Mị vaa yàa pe wu nịnị chee, dị ma va nọ ịdị Ọza ana tụ́ mị vẹ ẹhẹ.

Odeyi 13:52

Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

1 Ịjọọnụ 1:4

Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.

2 Ịjọọnụ 1:12

Máa nyị ịrẹyị ọrụrụ-ọrụrụ oni mi sì ka ma ka ma kà yị wụ, ama me yi sì ka ma chẹrẹ wa tụ́ hi wu. Mée ro ka mee vee hee wu, di ye dudu kà ịrẹyị eyi gẹrị eyi, dị ayị ayị ò zụ hine ẹtẹẹtẹrẹ.