Ịjọọnụ 17:12 - IWE ỌNỊNỊ

¹² M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ịjọọnụ 17:12 ပူးပေါင်းရင်းမြစ်များ

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 18:9

Ộ vavọọ kà, agụvị ịrẹyị ọnọọ vịdị kà, ọ̀ zụ sẹ ka, “Ịnị avaba aza ọnị ụ sị mị, ẹ yị nyị ikonya oni mi vú.”

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Anihwiripi 2:9

Agụvị avọọ di Ohomorihi kụkụ sị ọ tụ́ ẹba ẹtẹẹtẹrẹ nị; dị ọ rẹ sị ịrẹha ene huna avaba ịrẹha yọ nị.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

Anihiburu 2:13

Ọ rẹ kà a ka, “Mị vaa sị ayịị tụra Ohomorihi.” Ọ rẹ kà a ka, “Ẹmịrị ezi oni Ohomorihi sị yị mị, yị.”

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

Ẹtore 19:12

Eyi anị vị ana sị mẹẹ anka ịrarẹ ịra avọọ. Ọkẹkẹrẹkụ ọrụrụ-ọrụrụ hi ịnị ịrẹsụ anị. Ộ nyị ịrẹha ọnya aanị ana a chẹrẹ tụ́ ọ ẹngụ. Ẹ yị nyị ọza ẹnẹsa ana yẹ ẹ, ẹ̀ yị rẹ vị ọnịnya kẹnẹ.