Ịjọọnụ 16:2 - IWE ỌNỊNỊ

² Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 16:2 ပူးပေါင်းရင်းမြစ်များ

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ịdanịyẹrị 11:33

Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ịjọọnụ 12:42

Ama â hyakụ nyị ọdọvịdị Aniju nịnị ọrụrụ-ọrụrụ ana rẹ sị ayị tụra Ijeesu. Ama ẹnịnị ẹ yị sị tụra eyi agụvị Anihwarisi nịnị. Eyee hí angwa ka a va dụ ẹnị hụụnị irehi Ohomorihi Aniju nịnị.

Ịjọọnụ 16:25

Dị Ijeesu ka, “Ịrẹyị ẹnẹnị vị ọnị mị vịdị aa sị ụhịrẹyịị kà a wụ nịnị. Ama ụmẹ aa vẹ, ọnị mẹ̀ yị kụkụ vaa sị ụhịrẹyịị kà ịrẹyịị wụ nịnị. Mị kụkụ vaa kà ịrẹyị Ada amịị zụ̀ wụ nịnị chapaa kẹnẹ nị.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ịjọọnụ 4:21

Dị Ijeesu kà a yọ ka, “Ọnẹẹ ọnọnị, ịzẹyịza m maa kà a wụ nị, ụmẹ aa vẹ ana aza ẹ̀ yị kụkụ vaa hẹkẹ Ohomorihi Ada ayị ịnị ataba ọnọnị, à vị Íjerusarẹmị.

Ịjọọnụ 4:23

Ama ụmẹ aa vẹ, ộ hyakụ si tù booro aanị, ana aza ana aa mẹ ahẹkẹ obooro, vaa hẹkẹ Ohomorihi Ada ayị ịnị ayị ọnya ọnịrị ịnị ịzẹyịza. Ẹngụ aza ẹnẹẹ Óhomorihi Ada ayị sì ka ẹ̀ẹ hẹkẹ ọnị nị.

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Odeyi 5:33

Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.

Odeyi 7:56

Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”

1 Anịkọrịntị 4:13

Aza èee du yi ịrẹsụ, dị ẹyị aa kà ịrẹyị ọyịzaa hi wa. Anẹhẹ vị ana aa mẹ yị anka ịsa ini itutu avọọ. Vi ve tù ajịnị, vị aza ee yii re yi anka ịhyẹrẹ kẹnẹ avọọ nị.

Anihwiripi 3:6

Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.

Ọdọvịdị 6:30

Dị Anẹkụra nịnị ka yị Ijowasi ka ọ sị ozi tụ ẹhẹ, dị ẹnị ẹ wụ̀ ọ. Oni o wu ụta Ịbaarị, dị ọ dà ọchị ana a sị mẹ uyi Asẹra tụ̀ akahị Ịbaarị nị.