Ịjọọnụ 15:9 - IWE ỌNỊNỊ

⁹ Mê sì ịrẹyị awụ nịnị anka Áda amị ọnị mè re sì ịrẹyị amị. Asị ụ và hụụ nị ịrẹyị awụ nịnị oni mi sì!

Ịjọọnụ 15:9 ပူးပေါင်းရင်းမြစ်များ

Ịjọọnụ 15:11

M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.

Ịjọọnụ 15:13

Ẹ yị nyị ịrẹyị ọza oyisì ene huna ọsọnị ka ọza ò sú agụvị ọta anị.

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Anẹhwẹsọsị 3:18

agụvị dị ẹwụ nịnị beri avaba aza Ohomorihi ana vọ, ọ̀ zụ yẹ ịzị Ikirisiti sì ịrẹyị awụ nịnị ne tù. Ịrẹyị ayị oni o sì ọ́ọ nyịnẹ, ọ́ọ gọdọ, ọ́ọ gana, dị ọ rẹ nẹba ẹtẹẹtẹrẹ nị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.