Ịjọọnụ 15:7 - IWE ỌNỊNỊ

⁷ Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ịjọọnụ 15:7 ပူးပေါင်းရင်းမြစ်များ

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ijoovu 22:26

Ọ̀ọ vavọọ mẹ̀, ọ vaa hẹkẹ Ohomorihi ini ayohine nị.

Ijoovu 23:12

Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 37:4

Weē sì ka waa mẹ̀ ịsa ene zee Ẹnẹyịmavara eyi ịjọnọọ ịsị ẹwụ èe ree sì vị ọnị ọ vaa sịị yị wụ.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Ụhịrẹyị 4:4

Ada amị ọ kà a yị mị ka asị mị hi ayị ịrẹyị anị. Ọ kà ma saasa a agụvị ẹhẹ amị o zee yị mị.

Ayịsaya 58:8

Ẹnẹyịmavara kà, ẹnịnị ẹ̀ẹ vavọọ mẹ, ụbanyị ayamva anị vaa zẹtẹ ịnị ẹhẹ ẹnịnị anka ọyị ẹnẹnẹ avọọ. Ụnava ẹnịnị vaa hụra vị, dị ọnị yaa pe wa, dị ọnị dọ wa ha, dị ọnị ee sere wa eyi ụvọnị-ụvọnị.

Ijeremaya 15:16

Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị.

Imatiwu 7:7

“Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 16:23

“Ịhị ẹkụhị ọnọọ òo si tù, wẹ yị vaa họ̀ mị use ịsọnyị-ịsọnyị nịnị. Ịzẹyịza m maa kà a wụ nị, ịsa tụra ịsa ọnị ụ wàa họ̀ Ada amị use ịnị ịrẹha amị nịnị, ọ vaa sịị yị wụ nịnị.

Ịjọọnụ 8:31

Dị Ijeesu kà a yị Aniju nịnị ana sị ayị tụra a ka, “Wàa yịị sị ụvọọ za ịrẹyị amị nịnị, ịjọnọọ ụ vaa vị ezirẹma amị obooro nịnị.

Ịjọọnụ 8:37

Mâ yẹ ka ezi Abụrahamị ụ vị nịnị nị; ama wee yii sì ka wa wụ̀ mị nịnị, agụvị ka ịrẹyị amị o yi re aha yà ịnị ayị awụ nịnị.

Anigaratiya 4:2

Ịjị ọ vị ozweyi, áa nyị aza ana sị eyi pee, dị ọ rẹ sị ụvọ za ụkọrọ anịị yọ pooro dị ò tù ụmẹ ana ada anị kà.

Anigaratiya 5:16

Agụvị avọọ, navọ Ụhwẹ Ọnịnị ọ̀ọ sị oze zụ̀ wụ nịnị, agụvị asị ahịka ịsị ọchẹngụ awụ nịnị òo sì kẹnẹ, ụ raa mẹ nịnị nị!

Iwe Ọhụhị Imosiisi ana aa hị́ Ọyịvatụrọda 6:6

Asị ụ hi ayị avaba ịrẹyị ana a ka yị wụ nịnị ajịnị aanị o.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

1 Ịjọọnụ 2:14

Maa chẹrẹ iwee tụ́ụ hi ẹwụ nịnị ezweyi agụvị ka waa yẹ Ohomorihi Ada ayị. Maa chẹrẹ iwee tụ́ụ hi ẹwụ nịnị ada ayị agụvị ka waa yẹ ọza ana yà ịzọọ dị a va yẹ ka aa mẹ ẹhẹ. Maa chẹrẹ iwee tụ́ụ hi ẹwụ nịnị ezwọọmụha agụvị ka wáa nyị ụkata nịnị; ịrẹyị Ohomorihi yà ịnị ayị awụ nịnị, wa sị Echu huna nịnị.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.

1 Ịjọọnụ 5:14

Yáa nyị ọtụtụrụma ọ́vịdị Ohomorihi, agụvị ka ịsa tụra ịsa oni yèe họ̀ use hụụnị ụvọ anị anka o me sì ọọ̄ sị ụtọọ pe yi.