Ịjọọnụ 15:6 - IWE ỌNỊNỊ

⁶ Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Ịjọọnụ 15:6 ပူးပေါင်းရင်းမြစ်များ

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ijoovu 15:30

Ẹnịnị vene vee su. Ẹ vaa sị mẹ anka ọchị ọnị ịra rị avaba avọ anị avọọ nị.

Ahẹ Ụgama 80:15

Wéē re ọchị ẹnị ẹwụ ụvọta sị ụkata awụ chire, mị ka we re ozi ẹnị ẹwụ ụvọta sị mẹ ozi ewu.

Ayịsaya 14:19

Ama ẹwụ ẹ yị hyakụ nyị ikuta oku awụ vi ene e ne tịtẹ kẹnẹ ka ọ̀ọ wụ̀. Aza ana a sị ụ̀hwọ̀ wụ̀ vị ana kụ́ và wu hi ịnị ụsị ịrẹta-ịrẹta. Oku awụ nịnị vị ana aza aa kụ́ ahụụ hii parahu.

Ayịsaya 27:10

Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.

Ezikẹẹrị 17:9

Ẹnẹyịmavara Ananyị ụkata hu ka, Ezikẹẹrị ọ̀ họ̀ use ka, ịvayịnị ọnọnị wáá vaa yàra, dị ọ̀ va hụ? Aanịka, ọkasịmẹ ịpaapa ọnọnị ẹ̀ yị vee hu ọnịrị ẹpaa hụrị ẹtẹ, dị o che avọ anị, dị avị anị ẹ̀ wọ̀rọ̀ và ha? Ẹ́ yị vaa nyị ka ẹ̀ yị vị aza nyị ụkata, à vị ka ẹ̀ rụrụ, dị è zụ hu ọ hụrị ẹtẹ.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Imatiwu 27:5

Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Imatiwu 7:19

Avaba ọchị ẹnẹ ẹ̀ yị tụ́ ẹtụtụ ozoza vị anaa vaa má, di e nee ngụ ịra.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Anihiburu 10:27

Ọza ana àa vavọọ aa mẹ, ò hí angwa, agụvị ka Ohomorihi vaa mẹ̀ ọkarẹyị yọ. Ịra gogogo vaa rị aza ana vị ọnịvị Ohomorihi ịra.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”