Ịjọọnụ 15:5 - IWE ỌNỊNỊ

⁵ “Mị ka ẹmị vị ana yà anka ọchị ịvayịnị avọọ. Ẹwụ nịnị vị avọ. Ọza ana àa zẹẹ ka ẹmịrị ọnị ọ̀ vị ọnya dị ya rẹ vabẹ, ọ vaa nyị ẹtụtụ ẹtẹẹtẹrẹ. Ẹ yị nyị ịsị ụ zụ dà mẹ nịnị, wẹ̀ yị zẹẹ ka ẹmịrị ẹwụ nịnị ọ̀ vị ọnya.

Ịjọọnụ 15:5 ပူးပေါင်းရင်းမြစ်များ

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Imatiwu 13:21

Ama agụvị ka ịrẹyị ọnọọ oyi re aha ha ẹpa ngụ ịnị ayị ẹnịnị, ệ sị tụ́ ịnị ayị chee. Ịjị ịdamụ ọnịrị ayamịkụ vẹ agụvị ịrẹyị ọnọọ, dị ẹ wụsẹ sị varẹma nị.

Ịjọọnụ 12:24

Ịzẹyịza m maa kà a wụ nị, ẹ̀ yị vị a sị ihu akụ ikonya chire ẹtẹ, dị ọ vụ̀, dị ọ chị, ọnịnya aa yịị vị nị. Ama ọ̀ọ sị vụ̀, dị ọ sị chị nị, dị ọ vaa nyị ihu ọrụrụ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 9:33

Ẹ̀ yị vị ọza Ohomorihi ọ́nọrụ ọnọọ vị, ẹ yị nyị ịsị ọ yaanị zụ mẹ.”

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Aniroomi 12:5

Avọọ gẹdẹ-gẹdẹ ẹ́yị mẹ̀ rẹ yà nị. Yâ rụrụ ịzẹyịza, ama ẹngụ ikonya ị vị nị, agụvị ka ẹyịrị Ikirisiti ọ sị vị ọnya. Avaba ayị vị ana gẹ ẹngụ, anka avaba ọchẹngụ ọza mẹ̀ gẹ ẹngụ avọọ.

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Aniroomi 7:4

Ẹwụ nịnị ẹyịnyara amị, avọọ ẹwụ nịnị mẹ̀ rẹ yà nị. Àa vị ini oze ọda Aniju yọ, vụ ụ sị mẹẹ anka oku avọọ nị, agụvị ka ẹwụrị Ikirisiti óo wusu nịnị. Ọza ẹnẹsa ọ kụkụ nyị wụ nịnị nị, ọza ọnọọ a ha hụụnị isu nị. Agụvị avọọ ya kụkụ nyẹngụ aa mẹ ọyịza ana vaa sị ụgaa vaa yị Ohomorihi.

1 Anịkọrịntị 10:16

Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị.

1 Anịkọrịntị 12:12

Wâ yẹ ka ẹngụ ọza vị ọnya, dị ọ va nyị ọchẹngụ ọrụrụ-ọrụrụ nị. Avaba ọchẹngụ ọrụrụ-ọrụrụ ẹnẹẹ vị ana yà ịnị ẹngụ ọnya. Avọọ gẹdẹ-gẹdẹ Ikirisiti ọnị mẹ̀ rẹ yà nị.

1 Anịkọrịntị 12:27

Agụvị avọọ avaba awụ nịnị vị ẹngụ Ikirisiti, ọzọza yà ịnị ẹngụ ọnọọ.

2 Anịkọrịntị 13:8

Ẹ yị nyị ịsị ị zụ mẹ hi ịzẹyịza, ịsa ana saasa ịzẹyịza ị nyẹngụ mẹ nị.

2 Anịkọrịntị 9:10

Ohomorihi anaā sịị ịsa ọyịnaa yị ọkụrịkụ, dị ọ rẹẹ̄ sị ịsọyịrịị yị ọza, ọ rẹ vaa sị ịsa ọyịnaa wụ nịnị, di u we chire e nịnị. Ọ rẹ vaa mẹ ka ọ̀ hụ, dị ẹ̀ nyị ẹtụtụ ẹtẹẹtẹrẹ, agụvị ka wẹ yị sị ụvọ kú oku nịnị vụrụ-vụrụ.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 5:9

Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

1Ipita 2:4

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.