Ịjọọnụ 15:4 - IWE ỌNỊNỊ

⁴ Navọ ya vị ọnya nịnị, dị ẹmịrị ẹwụ nịnị ọ̀ vabẹ. Wâ yẹ nịnị ka avọ́ ọchị ẹ yị zụ tụ́ ẹtụtụ yị ẹngụ anị àa sị ọ dà hụụnị ọchị obooro. Avọọ ẹwụ nịnị ọ̀ yị mẹ̀ rẹ nyẹngụ nyị ẹtụtụ, ẹ̀ yị vị ụ zẹẹ ka ẹmịrị ẹwụ nịnị ọ̀ vị ọnya nị.

Ịjọọnụ 15:4 ပူးပေါင်းရင်းမြစ်များ

Ahẹ Isoromọnị 8:5

Ẹnẹ maanị jị ụvọ chire ọza ọnị ó sì ịrẹyị anị hụụnị ụnọmị aa vẹ aanị? Mâ ha wụ hụnị ara iruvo ọchị apụrụ. Ịzọọ ọnyị awụ yá barẹẹ awụ di ọ́ ma wu nị.

Ihoseya 14:8

Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.

Imatiwu 12:33

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Ịjọọnụ 6:56

Ọza ana àa rị ọchẹngụ amị, di o re hú anya amị nị, ọnọọ vị ka ẹmị rị ọọ ọ sị vị ọnya, ẹmị rị ọọ ọ sị vabẹ.

Ịjọọnụ 8:31

Dị Ijeesu kà a yị Aniju nịnị ana sị ayị tụra a ka, “Wàa yịị sị ụvọọ za ịrẹyị amị nịnị, ịjọnọọ ụ vaa vị ezirẹma amị obooro nịnị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

2 Anịkọrịntị 13:5

Zama ẹngụ awụ nịnị re, dị ụ wa yẹ wàa yị sị ayị tụra Ikirisiti nịnị! Aanị ka wẹ yị yẹ ẹngụ awụ nịnị ka Ijeesu Ikirisiti yà ịnị ayị awụ nịnị? À yị vị avọọ, ahịka ụ wẹ̀ yị kụkụ mẹ ẹtẹẹrẹ nịnị nị.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

1 Anịtẹsaronika 3:5

Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

1 Ịjọọnụ 2:6

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.