Ịjọọnụ 15:18 - IWE ỌNỊNỊ

¹⁸ Dị Ijeesu rẹ ka, “Anẹhẹ àaa nyị ịhyẹrẹ awụ nịnị, tamayị ka ẹmị ẹ vịdị nyị ịhyẹrẹ anị nị.

Ịjọọnụ 15:18 ပူးပေါင်းရင်းမြစ်များ

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Ụhịrẹyị 29:27

Aza ọyịza vị anaā nyị ịhyẹrẹ aza edivi, avọọ aza edivi ẹnị mẹ rẹẹ̀ nyị ịhyẹrẹ aza ọyịza nị.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

Ịmaakị 13:13

Dị avaba aza aa nyị ịhyẹrẹ awụ nịnị kẹnẹ agụvị amị. Ama, ọza ana àa zụ sị ẹngụ dọ ọ pooro ne tù ọdịrẹma, ọnị a vaa dọ ọ há nị.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ịjọọnụ 16:1

“M maanị aa kà ịrẹyị ọnọnịị wụ nịnị, agụvị asị ụ na jị mị ịrẹka nịnị.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịjọọnụ 3:13

Ẹwụ nịnị anda ayị, anẹhẹ àaa nyị ịhyẹrẹ awụ nịnị, asị o hí wu nịnị irenu!

1 Ịjọọnụ 3:3

Avaba aza ana nyị ẹngụ ọyịtureyi ọnọnị, aa mẹ̀ ebira ọnịnị anka Ikirisiti mẹ̀ rẹ nị nị.