Ịjọọnụ 15:16 - IWE ỌNỊNỊ

¹⁶ Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 15:16 ပူးပေါင်းရင်းမြစ်များ

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Ahẹ Ụgama 145:4

Anụmẹ ẹnyị vị ana vaa kụ́ wụ avọ naa gẹrị anụmẹ ọsa agụvị ụkọrọ ọnị ụ mẹ. Ẹnịnị vị ana vaa kà ịta mā ta pa ọnị ụ mẹ.

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Imatiwu 21:22

Ịsa tụra ịsa ọnị ụ wàa dá ịpẹ anị nịnị wàaa mẹ̀ aduwa, dị ụ dọ wụ́ nịnị nị, u wee re waa dọ nị.”

Imatiwu 7:7

“Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Iruuku 6:13

Ịjị eyi sị nị, dị ọ hị́ ezirẹma anị ka ẹ̀ vẹ nị. Dị ọ nyị ẹwụrẹva ọnị ọ hị́ odeyi nịnị nị.

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 15:19

Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Ịjọọnụ 15:5

“Mị ka ẹmị vị ana yà anka ọchị ịvayịnị avọọ. Ẹwụ nịnị vị avọ. Ọza ana àa zẹẹ ka ẹmịrị ọnị ọ̀ vị ọnya dị ya rẹ vabẹ, ọ vaa nyị ẹtụtụ ẹtẹẹtẹrẹ. Ẹ yị nyị ịsị ụ zụ dà mẹ nịnị, wẹ̀ yị zẹẹ ka ẹmịrị ẹwụ nịnị ọ̀ vị ọnya.

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 10:41

Ẹ yị vị avaba aza ọ sị ẹngụ zụ̀, ẹ̀ yị vị onivenu oni Ohomorihi vịdị sị nyị. Ẹyị rẹ yà ini onivenu ẹnẹẹ. Ẹyịrị ọ ộ rị, yê hú, ọ mẹ̀ sị ha hụụnị isu.

Odeyi 22:14

Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 1:13

Ẹwụ nịnị ẹyịnyara amị, mee sì ka wa yẹ nịnị ka ụpọsa-ụpọsa mi sii sì ka me ve hee wu nịnị nị, ama dị ịsa ọsa rẹ sị mị dọ oro. Mee sì ka ụkọrọ amị ọ nyị ọgụ ịdị awụ nịnị, anka ọ mẹ̀ rẹ nyị ọgụ ịdị anẹhẹ ana vọ.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

Aniroomi 9:21

Aanị ka ọnụnọkọ, ọ̀ọ dà ụvụ, ọ yị zụ sị oze ọnya jị ụnọkọ anaa vaa sị mẹ̀ ịsa ẹtẹẹtẹrẹ, dị ọ sị ọsa jị ụnọkọ anaa vaa sị mẹ avaba ịsa kẹnẹ?

1 Anịkọrịntị 10:11

Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị.

Anigaratiya 1:15

Ama Ohomorihi ọ́ọ vayị amị, ọ́ọ nyị mị di a va yẹ ka aa ma mị, dị ọ hị́ mị ka maa hẹkẹ ọnị nị. Ịjị o zé Ohomorihi eyi,

Anẹhwẹsọsị 2:10

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Ijemiisi 3:18

Ọza eneē sì ẹngwọọrọ gụ aza ẹnẹsa ụvọ ka ẹnị ẹ̀ rẹ nyị ẹngwọọrọ. O vee re ka ịzẹyịza ọ vị ọdịrẹma ịsa ẹnẹ ẹyaa mẹ nị.

1Ipita 3:15

Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi.

1Ipita 3:2

e vee re ka wáa nyị ebira ozoza ọnịrị ka wáa nyị angwahi Ohomorihi nịnị.

1 Ịjọọnụ 4:10

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.