Ịjọọnụ 15:11 - IWE ỌNỊNỊ

¹¹ M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.

Ịjọọnụ 15:11 ပူးပေါင်းရင်းမြစ်များ

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ayịsaya 62:4

Ọza ẹ yị kụkụ vaa hị́ wụ eneyi, a vị dị aa hị́ ẹtẹ awụ nịnị Enezweyị, ama ịrẹha ọwọọwa awụ nịnị ọ rị onimisi, Ẹtẹ awụ nịnị ọ rị Anaanyị. Agụvị ka ayị Ẹnẹyịmavara ô hine tu wụ, ọnị ọ vaa nyị ẹtẹ awụ nịnị anka ọza ộ nyị ọnẹẹ avọọ.

Ijeremaya 32:41

Ọ kà, ọnị vaa mẹ ọyịzaa yị wa dị ayị anị ee hinee tụ ọ, Ọnị vaa sị avaba ayị anịị sị ịzẹyịzaa mẹ ka ẹnịnị ẹ̀ ra ịnị ẹtẹ ọnọnị pooro.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Iruuku 15:23

Dị ọ ka ẹ̀ na sị imaaru ana a pá ka ọ̀ banyị di à va wụ ọọ; ẹ̀ sị ọọ vẹ, dị ẹ̀ wụ ọọ, dị ẹnị ẹ̀ sị rị eche nị!

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Iruuku 15:5

Òo si oo re, dị ọ sị ọọ tụra ịza, dị aa jẹ ịrajẹẹ vẹ.

Iruuku 15:9

Òo si oo re, dị ọ hị́ ọta anị ọnịrị anẹkụra anị gụ, dị ọ ka: ‘Wee pe mii jẹ nịnị, agụvị ka ma sị ẹkẹhị amị ene vú re!’

Ịjọọnụ 16:24

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 17:13

“Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

2 Anịkọrịntị 1:24

Ye yi sì ka ya sị ụkata za wụ nịnị ka wa dọ ịsa ọnọnị wụ́ nịnị. Ama yee pe wu nịnịị mẹ̀ ụkọrọ ka ịnẹ awụ nịnị ò hine, agụvị ka wâ jẹẹ geri-geri ịnị ẹdọwụ awụ nịnị.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

Anihwiripi 1:25

Máa yẹ ọnọnị ịnị ayị amị; agụvị avọọ, maa yịị yà ẹhẹ pe wu nịnị, dị ma zụ mẹ ka waa kà a tụ́ ọvịdị ịnị ẹdọwụ awụ nịnị, dị ụ wa rẹ nyị ịrajẹ ịnị anị nịnị.

1 Anịtẹsaronika 5:16

Waa jẹ nịnị pooro.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

1 Ịjọọnụ 1:4

Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.

2 Ịjọọnụ 1:12

Máa nyị ịrẹyị ọrụrụ-ọrụrụ oni mi sì ka ma ka ma kà yị wụ, ama me yi sì ka ma chẹrẹ wa tụ́ hi wu. Mée ro ka mee vee hee wu, di ye dudu kà ịrẹyị eyi gẹrị eyi, dị ayị ayị ò zụ hine ẹtẹẹtẹrẹ.