Ịjọọnụ 15:10 - IWE ỌNỊNỊ

¹⁰ Wàa sị eyi pe ọda amị nịnị, wẹ yị vaa vàa hụụnị ịrẹyị awụ nịnị oni mi sì. Avọọ émi mè re sị eyi pe ọda Ada amị, dị mẹ̀ yị và hụụnị ịrẹyị amị oni o sì nị.

Ịjọọnụ 15:10 ပူးပေါင်းရင်းမြစ်များ

2 Ịsamụwẹrị 22:22

Mẹ yị mẹ akamawụ hi Ẹnẹyịmavara, mẹ yị dọ ka ma mẹ̀ ebira odivi hi Ohomorihi.

2 Ohinọyị 18:6

Ộ sị ịzẹyịza saasa Ẹnẹyịmavara, ẹ nyị ụmẹ ọnị ọ sị mẹ akamawụ hi ọ. Ama ộ tangwa saasa ọda ọnị Ẹnẹyịmavara mẹ yị Imosiisi.

Ọyịkụra 7:6

Di Imosiisi ọnịrị Eerọnị na mẹ anka ịsa ẹnị Ẹnẹyịmavara kà yị wa ka ẹ̀ mẹ gẹdẹ-gẹdẹ nị.

Ayịsaya 50:5

Ộ mẹ̀ ka ọnị yẹ, dị asị ọnị mẹ akamawụ, dị asị ọnị va ịrẹma ka ọnị.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịjọọnụ 14:21

Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 14:31

Maa mẹ avaba ịsa ana Ada amị mẹ ọdaa mị ka ma mẹ, agụvị dị anẹhẹ ẹ̀ zụ yẹ ka mê sì ịrẹyị Ada amị. Vẹ ya hụụ ịzẹnị, ya na nịnị!”

Ịjọọnụ 17:4

Ma raà sị ụbanyị awụ zụ ịnị ẹhẹ, ma raà mẹ̀ ụkọrọ ọnị ụ sị yị mị ta.

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Ịjọọnụ 8:29

Ọza ana tụ́ mị vẹ ẹhẹ yàa mị ịrẹma. Ọ yị navọ ẹmị ịnya tịtẹ, agụvị ka ịsa ene zé e eyi mịị̄ mẹ pooro nị.”

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

1 Anịkọrịntị 7:19

Ọza ọ̀ọ jị ụvẹvẹnẹ, ọ̀ yị jị ụvẹvẹnẹ, ẹ yị nyị ọ mẹ̀ kà. Ịsị ẹ vị ịrẹyị obooro ọ vị ka ọza ọ̀ sị ụvọ za ọda Ohomorihi nị.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

2Ipita 2:21

Ọ́ọ vana dahi ka asị ẹ́ yẹ oze ịzẹyịza, hu ka ẹ̀ sị ọ yẹ, dị ẹ̀ và ị́rẹma ọda ọnịnị ana kà yị wa.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

1 Ịjọọnụ 2:5

Ama ọza ana àa saasa ịrẹyị Ohomorihi, ọnị gẹdẹ-gẹdẹ ịrẹyị Ohomorihi oyisì gụ tụ́ ịnị ayị anị nị. Ịsị ẹ zụ sị zụ̀ ka ẹyịrị Ohomorihi ọ sị vị ọnya yị:

1 Ịjọọnụ 2:6

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.