Ịjọọnụ 14:1 - IWE ỌNỊNỊ

¹ Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Ịjọọnụ 14:1 ပူးပေါင်းရင်းမြစ်များ

Ahẹ Ụgama 43:5

hyakụ vọrọ ka ma maanị và ẹngụ hi di mee du ayị Maa sị ayị amị tụra Ohomorihi mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

Ahẹ Ụgama 77:10

Di mi ve ro o, di mi ka maa tamayị ụmẹ oni Ohomorihi vịdị aa sịị sị ụkata anịị mẹ̀ ịsa ẹbanyị-ẹbanyị.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ịjọọnụ 11:33

Ijeesu ô re, Ímeri màa jị òrèrè, dị Aniju ana saasa a vẹ ẹnị raa jị òrèrè bẹẹ. Ịrẹyị ọnọọ ộ kanyị Ijeesu ẹnẹmẹhị, dị ọ zị ọọ ẹngụ ẹtẹẹtẹrẹ nị.

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 12:44

Dị Ijeesu nowu tụ́ ẹba, dị ọ ka, “Ọza ana àa sị ayị tụra mị, ẹ yị vị ẹmị ụvọta ọ sị ayị tụra, ama Ọza ana tụ́ mị vẹ ẹhẹ, ọ sị ayị tụra nị.

Ịjọọnụ 13:19

Mi jintu aa kà ịrẹyị ẹnẹnịị wụ nịnị dị ẹ̀ va mẹ, agụvị ịhị ẹ̀ẹ sị mẹ, dị ụ wa zụ dọ wụ́ nịnị ka ‘Ẹma vị Ẹmị’ nị.

Ịjọọnụ 16:24

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 16:6

M mẹ̀ va aa kà a wụ nịnị aanị, ayị awụ nịnị ọ va ta du.

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

2 Anịkọrịntị 2:7

Ama kụkụ vagu ọọ du wee hunẹnẹẹ ayị nịnị, ka ayị anị ve si du ẹnẹmẹhị!

Anẹhwẹsọsị 1:15

Agụvị avọọ, ẹ́mị ụvọta mẹ̀ hụrẹ wụ́, ụ mẹmẹ aa sị ayịị tụra Ijeesu Ananyị yị nịnị, di u ree sì ịrẹyị avaba aza Ohomorihi nịnị,

2 Anịtẹsaronika 2:2

asị ụ na zẹẹ ka ayị awụ nịnị ọ̀ wụsẹ vazi. Asị ụ rẹ zẹẹ ka angwa ò hí wu nịnị, agụvị ka aza aa kà a ka ẹkụhị Ananyị yị o si tu. Aza ẹnyị ẹ zụ kà a ka vị ẹnị vavọọ re ẹtẹ nị. Ọ zụ hwọọ a hị́ ka vị aza ẹnyị aa kà a ka Ohomorihi ọ vavọọ kà a yị ẹnị nị. Aza ẹnyị ẹ rẹ zụ kà a ka ẹyị hyakụ chẹrẹ ẹ tụ́ ini iwe vẹ nị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.