Ịjọọnụ 13:5 - IWE ỌNỊNỊ

⁵ Ịjị ọ vavọọ sị mẹ, dị ọ ká enyi tụ́ ịnị ịchacha, dị aa sịị nyịna ezirẹma anị ahụ nị. Dị aa sị ịtawẹẹrị ọnọọ sị sụ́ ọtẹ avọọ nyee wa ahụ nị.

Ịjọọnụ 13:5 ပူးပေါင်းရင်းမြစ်များ

Oyinyima 18:4

jẹẹ à ká enyi vẹ dị ẹ̀ sị nyịna ahụ ẹnịnị, dị ẹ̀ yà iruvo ọchị ọnọnị dị ẹ̀ẹ tụ́ ụhwọ.

Oyinyima 19:2

Dị ọ ka, “Nda, aarịhịnị ẹ ngụ ini eehi ozida ẹnịnị, dị ẹ sụ ne ẹhẹ. Ọ rẹ ka ẹ̀ Jẹẹ ọnị ọ sị enyi vẹ dị ẹ sị nyịna ahụ ẹnịnị. Ọ kà eyi ọ̀ọ si nị ụhwọọ, dị ẹ kwẹẹtẹ ẹnẹnẹ viri-viri dị ẹ̀ẹ na.” Dị anggẹẹrị ẹnẹẹ ka, “Eyiye, ọ jẹẹ ẹnị ẹ̀ sụ ini orere.”

Oyinyima 43:24

Ozi ahụ ọnọọ ọ raà kụ́ aza ẹnẹẹ nọ ini eehi Ijosẹẹhụ dị ọ ká enyi yị wa ka ẹ̀ sị nyịna ahụ nị. Dị ọ rẹ sị ịsọyịrị yị ịkẹrịkẹtẹ ẹnịnị nị.

2 Ohinọyị 3:11

Ohinọyị Ijehosahwati ộ họ̀ ka, áá nyị ọnịsẹ ịzẹnị ẹnẹ ẹnị nyẹngụ họ̀ use ka, Ẹnẹyịmavara mẹ̀ ka? Dị ọga isoja ohinọyị Ijorami ọnya tụ́ ohi ka, Erisa ozi Isahwati yà ịzẹnị nị. Ọ kà ozi ahụ Erija ụvọta ọ vị̀ nị.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ireevi 14:8

Ọza ana nyị ka à mẹ ido ụkụ ana za a aanị vanaa nyịna ịta anị, dị ọ kụ́ ẹyị anị, dị ọ hụ enyi, ọ̀ọ sị enyi hụ, ọ kụkụ vaa nị. Ịrẹma ọnọọ, ọ vaa vẹ vaa ra beri aza ana vọ ịzị e hi, ama ọ vaa vịdịị yà ịrẹma ajẹngụ anịị mẹ ẹkụhị ịhịmba da.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Iruuku 7:38

Ộ na jẹẹ ịrẹma Ijeesu, dị ọ jẹẹ ịpa ahụ anị, di ee sụ ùnè, dị aa ká ẹgọọ kú Ijeesu ahụ nị. Ọ raa sị ẹyị ịrẹsụ anịị nyee ẹgọ ọnọọ, di ee kú ahụ Ijeesu irenu, di aa và eturare ọnọọ hi Ijeesu ahụ nị.

Iruuku 7:44

Di Ijeesu và eyi ká ọnẹẹ ọnọọ, dị ọ kà a yị Ịsayịmọnị ka, “U wee re ọnẹẹ ọnọnị? Mâ vẹ ini eehi awụ, wẹ yị ká enyi mị ka ma sị nyịna ahụ. Ama ẹgọ anị ọ́nị sị nyịna ahụ amị, dị ọ sị ẹyị ịrẹsụ anị nyee yọ nị.

Ịjọọnụ 13:10

Dị Ijeesu ka, “Ọza ana àa sị enyi hụ, ọ sị nị; ahụ anị kẹnẹ a vọrọ ka ọ̀ kụkụ nyịna nị. Avaba awụ nịnị ọ sị nị, ẹ̀ yị vị ọza ịnya kẹnẹ.”

Ịjọọnụ 13:6

Dị Ijeesu ve si tù ịdị Ịsayịmọnị Ipita nị. Dị Ipita ka: “Ananyị yị ụ wáá vị ana aa vaa nyịna mị ahụ nị?”

Ịjọọnụ 13:8

Dị Ipita ka, “Wẹ yị vaa nyịna ahụ amị paa!” Dị Ijeesu ka, “Mẹ̀ yị nyịna ahụ awụ, ẹ yị nyị ịsị ẹmịrị ẹwụ kụkụ vaa nyị ọyịmẹ̀ vabẹ.”

Ịjọọnụ 19:34

Dị ọnya ini isoja nịnị ẹnẹẹ sị ọha, di o gù ọ chire Ijeesu akaha, dị anya ọnịrị enyi ká va jịnẹ nị.

Odeyi 22:16

Sị ẹ vẹ dị ụ kụkụ jẹẹ? Kwẹẹtẹ, dị à mẹ̀ ọyịhwọzenyi wụ; hị́ ịrẹha Ananyị yị, dị ọ̀ nyịna ịvị awụ kwooze!’

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

1 Ịjọọnụ 5:6

Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Ọdọvịdị 19:21

Ịzẹyịza dị ịnda ọnọọ kụ wa nọ ineehi anị nị dị ọ sị ịsa yị ịkẹrịkẹtẹ anị ka ẹ rị ọ nị, ọ sị enyi yị wa ẹnẹ sị nyịna ahụ dị ẹ rẹ rị ịsa dị e hú enyi tụ ọ nị.

1 Ịsamụwẹrị 25:41

Di Abigẹrị tana tụra ẹtẹ dị ọ ka, “Ẹmị yị, mâ dị ka ma naa zị ụtụụ yị ozi ahụ ọga amị.”