Ịjọọnụ 13:34 - IWE ỌNỊNỊ

³⁴ Maa sị ọda ọwọọwaa wụ nịnị: wee sì ịrẹyị ẹngụ nịnị! M mè sì ịrẹyị awụ nịnị gẹdẹ-gẹdẹ, avọọ a mẹ̀ vọrọ ka wee sì ịrẹyị ẹngụ nịnị nị!

Ịjọọnụ 13:34 ပူးပေါင်းရင်းမြစ်များ

Ahẹ Ụgama 119:63

Avaba aza ene hí angwa awụ dị ẹ yaa saasa ọda awụ vị ọta amị.

Ahẹ Ụgama 16:3

Aza Ohomorihi ene hi ini ẹtẹ ọnọnị ẹmị yẹ ka ệ vị aza ana nyị ụbanyị nị Ẹnịnị ê zee mi eyi ẹtẹẹtẹrẹ

Ireevi 19:18

À sị ẹ na họ̀ oponu ịrẹyị ka ọza ọnyọọnyị na, à vị ka ẹ̀ sị ịrẹyị ọhịmị ọza ọnọọ tụ ịnị ịnẹ; ama ẹnịnị è sì ịrẹyị ọnọhụva anka é me sì ịrẹyị ẹngụ ẹnịnị. Ọnị ọ vị Ẹnẹyịmavara nị.

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Ịjọọnụ 15:17

Ọda ọnị mị mẹ wụ nịnị yị ka: we sì ịrẹyị ẹngụ nịnị!”

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 13:10

Ọza ene èe sì ịrẹyị ọnọhụva anị, ọyị vaa mẹ̀ ịsa odivii hi ọọ. Ọza òo sì ịrẹyị ọza, ọnọọ vị ka ọ raà saasa avaba ọda.

Aniroomi 13:8

Asị ụ rị ọza ọnyọọnyị ụta nịnị, àyị vị ka wee sì ịrẹyị ẹngụ nịnị kẹnẹ! Ọza ene èe sì ịrẹyị ọza, ọ raà mẹ̀ ịsa ọnị ọda Ohomorihi kà.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anigaratiya 6:10

Agụvị avọọ ụmẹ tụra ụmẹ oni yèe re oze, à vẹ vị yaa mẹ ọyịzaa yị avaba aza, hu keekere yị aza ẹnẹ ẹyịrị dudu dọ Ijeesu Ikirisiti wụ́.

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anikorasi 1:4

agụvị ka yâ wụ́ ka waa sị ayị tụra Ijeesu Ikirisiti nịnị, ọnịrị ka wee sì ịrẹyị aza Ohomorihi nịnị.

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Ijemiisi 2:8

Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

2Ipita 1:7

Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị.

1 Ịjọọnụ 3:11

Enube ọnị ụ vịdị sị wụ́ nịnị hụrị ụmọrụmọ yị: ka ye sì ịrẹyị ẹngụ.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.

1 Ịjọọnụ 4:21

Ọda ọnị Ohomorihi mẹ yị yị: Ọza ene èe sì ịrẹyị Ohomorihi, ò re sì ịrẹyị ọnọhụva anị bẹẹ.

2 Ịjọọnụ 1:5

Onyeyiza amị, aarịhịnị maa dá ịpẹẹ wụ; ẹ́ yị vị ka m maa chẹrẹ ọda ọwọọwa tụ́ụ hi wu nị. Ọda ọnị ị vịdị sị wụ́ hụrị ụmọrụmọ yịị yọ nị, ka ye sì ịrẹyị ẹngụ.