Ịjọọnụ 13:23 - IWE ỌNỊNỊ

²³ Ọnya ini ezirẹma ẹnẹẹ oni Ijeesu sì ịrẹyị anị vị ana yaayịtẹ gụrị Ijeesu gẹdẹ-gẹdẹ.

Ịjọọnụ 13:23 ပူးပေါင်းရင်းမြစ်များ

2 Ịsamụwẹrị 12:3

Ama ẹ yị nyị ịsị onosiye ọnọnị ọnị nyị à yị hụhụ vị ozi atẹmẹ ikonya kẹnẹ ọnị ọ hị́ ọ́ mẹ̀ hị́ ọ, dị aa pa a, dị ọnịrị ezi onosiye ọnọọ ana vị ọnọrụ si vịra vabẹ nị. Ọza ọnọọ ọnịrị atẹmẹ ọnọnị ọọ̄ rị ịsaa vaa bẹ, dị ahịka ako ọnya eyee sii hú enyi nị. Aha ọnya ẹ hyakụ aa sụ nị. Vị ọ kụkụ sị mẹẹ anka ozi anị ọnẹẹ avọọ nị.

1 Ohinọyị 4:5

Azariyahụ ozi Inatanị ọnị vị ọga Ịgọvọnọ ẹkụra eweyi-eweyi. Ohirẹsụ ịrẹsụ irehi Ohomorihi ana aā hị́ Izabudi ana vi ozi Inatanị ọnị vị ọta ohinọyị.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 11:3

Dị ẹyịnyara Ịrasarụsị anẹẹ tụ́ na kà a yị Ijeesu ka, “Ẹngụ aa zị ọta awụ ọnị ụ maanị sì ịrẹyị anị, o.”

Ịjọọnụ 11:36

Dị Aniju nịnị ka, “Wée re, ộ da sì ịrẹyị anị kẹnẹ!”

Ịjọọnụ 11:5

Ijeesu ô sì ịrẹyị Ịmata ọnịrị ọyịnyara anị ne beri Ịrasarụsị.

Ịjọọnụ 13:24

Dị Ịsayịmọnị Ipita mi ọọ ụvọ ka ọ̀ họ̀ Ijeesu ka ẹnẹ aa kà nị.

Ịjọọnụ 13:25

Di ozirẹma ọnọọ tere pe Ijeesu hu avọọ, dị ọ ka, “Ananyị yị ẹnẹ ọ vị kẹ?”

Ịjọọnụ 19:26

Ijeesu ô re ọnyị anị ọnịrị ozirẹma anị oni o sì ịrẹyị anị ka ẹ jẹẹ ịzọọ. Dị ọ kà a yị ọnyị anị ka, “Ịnya, ozi ewu yị!”

Ịjọọnụ 20:2

Di o zwe ne tù Ịsayịmọnị Ipita ọnịrị ozirẹma ọsa oni Ijeesu sì ịrẹyị anị. Dị ọ kà a yị wa ka, “Ẹ raà sị Ananyị yị hụụnị ikuta, ọ! Yẹ yị yẹ ịzị ẹ sị ọọ na tụ́.”

Ịjọọnụ 21:20

Ipita ộ kana eyi, di o re ozirẹma ọnọọ oni Ijeesu sì ịrẹyị anị, ọ màa dụ wa ịrẹma nị. Ọnị ọ rẹ yaayịtẹ gụrị Ijeesu aha ịsọyịrị di ee họ̀ use ka: Ananyị yị, ẹnẹ vaa sị wụụ chire ọnịvị awụụ ụvọ nị?

Ịjọọnụ 21:24

Ozirẹma ọnọọ ọ kà ịrẹyị ọnọnị, dị ọ rẹ chẹrẹ iwe ọnọnị tịtẹ nị. Yâ yẹ ka ịrẹyị ọnọọ kà vị ịzẹyịza

Ịjọọnụ 21:7

Di ozirẹma oni Ijeesu sì ịrẹyị anị kà a yị Ipita ka, “Ananyị yịị yọ nọ!” Ịjị Ịsayịmọnị Ipita wụ́ ka Ananyị yịị yọ nị, ộ sị ịta anị, dị ọ sị sụ ọtẹ, di o ji ngụ enyi nị.