Ịjọọnụ 13:2 - IWE ỌNỊNỊ

² Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Ịjọọnụ 13:2 ပူးပေါင်းရင်းမြစ်များ

Ẹzịra 7:27

Dị Ẹzịra ka, ọnị ộ sị ụga yị Ẹnẹyịmavara, Ohomorihi ohiku ẹnịnị ana mẹ ka ohinọyị ọ̀ maanị sị ụbanyị yị irehi Ẹnẹyịmavara Ohomorihi ana ya Ijerusarẹmị nị.

Inehemaya 2:12

agẹvịrahụ anị ộ kwẹẹtẹ, dị ọ kụ anọrụ chee beri ẹngụ, dị ẹ yị nyị ọza ọnị ọ kà zụ ịsị Ohomorihi sị tụ ọ ayị ka ọ mẹ Ijerusarẹmị nị. Dị ahịka ịkẹrịkẹtẹ ikonya ọnị ọ tụra kẹnẹ ọ sị nị.

Imatiwu 10:4

Ịsayịmọnị Anikenaani beri Ijudasi Isikarịyọtị, ọza ana vana sị Ijeesu chire ọnịvị anị ụvọ.

Iruuku 22:3

Di Echu sị ngụ ịnị ayị Ijudasi ọnị ịrẹha ẹtẹ anị rị Isikarịyọtị nị. Ọnị rẹ vị ọnya ini ezirẹma ẹwụrẹva.

Iruuku 22:31

Dị Ananyị yị ka, “Ịsayịmọnị, Ịsayịmọnị! Re, Echu ee sì ka ọnị ọ̀ sị wụ nịnị, di oni ò pehe wu nịnị, dị à zụ yẹ aza ana vị azịzẹ ọnịrị akụ.

Ịjọọnụ 13:11

Ijeesu ộ vavọọ kà, agụvị ka ọ sị yẹ ọza ana vaa sị ọnịị chire ọnịvị anị ụvọ. Agụvị avọọ, ọ kà a ka: Ẹ yị vị avaba ẹnịnị ẹ nị nị.

Ịjọọnụ 13:4

Dị Ijeesu kwẹẹtẹ hụrẹ aha ịsọyịrị, dị ọ ngwa awuru anị tịtẹ, dị ọ sị ịtawẹẹrị, dị ọ sị sụ́ ọtẹ nị.

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

2 Anịkọrịntị 8:16

Yâ kụ́ Ohomorihi avọọ ka ộ mẹ̀ ka Ịtayịtọsị ộ sị ayị sì ịrẹyị awụ nịnị, anka ẹyị mẹ̀ rẹẹ mẹ

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Ẹtore 17:17

Ohomorihi ọ raà sị tụ́ wa ayị ka ẹ̀ mẹ̀ ịsa ọnị ọnị vịdị sị eto anị mẹ tịtẹ. Ẹ rẹ vaa dọ ka ẹnị ẹ̀ sị ịjọva ẹnịnị yị uye ọnọọ, pooro dị ịrẹyị Ohomorihi ọ̀ sẹ.