Ịjọọnụ 13:14 - IWE ỌNỊNỊ

¹⁴ Ẹmị, ọga awụ nịnị ọnịrị Ananyị-wụ nịnị, ọ̀ọ nyịna ahụ awụ nịnị, â vọrọ ka ẹwụ nịnị ọ̀ rẹẹ nyịna ẹngụ ahụ.

Ịjọọnụ 13:14 ပူးပေါင်းရင်းမြစ်များ

Ịjọọnụ 11:2

Imeri ọnọọ ọ vịdị va sị eturare sisi Ananyị yị, dị aa sị ẹyị aanịị nyee yọ ahụ nị. Ẹnẹbẹnị anị ẹ́ngụ aa zị aanị nị.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

1 Anịkọrịntị 12:3

Mee sì ka wa yẹ nịnị ka ẹ yị nyị ọza ọnị Ụhwẹ Ohomorihi aa sị oze zụ̀ ana zụ kà a yị Ijeesu ka o du oo kù. Ẹ̀ yị rẹ vị ọza ọnị Ụhwẹ Ohomorihi aa si oze zụ̀, ọ yị zụ kà a ka Ijeesu ọ vị Ananyị yị nị.

1 Anịkọrịntị 8:13

Agụvị avọọ, mê re ka ịsị maa rị, vaa mẹ ka ọnọhụva amị ọ̀ mẹ ịvị, mẹ yị kụkụụ vanaa rị ịsa ọnọọ paa, agụvị asị mị na mẹ ka ọnọhụva amị ò vu ẹtẹ.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anihwiripi 2:11

Avaba ẹnịnị rẹ vaa sị irenu ẹnịnịị kà a ka Ijeesu Ikirisiti ọ vị Ananyị yị nị. Ọnọọ rẹ vaa sị igirima yị Ohomorihi ana vị Ada anị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.