Ịjọọnụ 11:52 - IWE ỌNỊNỊ

⁵² Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 11:52 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ayịsaya 49:18

Kụra eyi tụ ẹba, dị ụ we re aza awụ nịnị ana vẹ eehi. Ẹnẹyịmavara kà ọnị ọ̀ọ yara, ẹnịnị va sị aza ẹnịnị mẹ eyi anka ọnyẹnẹẹ ọwọọwa ana a kụ ọmọ hi ẹngụ avọọ.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 55:5

Ụ vaa hị́ anẹkụra ọsa nịnị, dị anẹkụra ẹnẹẹ ẹnẹ ẹ̀ yị vịdị yẹ wụ nịnị zwè ve tu wu. Ẹmị Ẹnẹyịmavara, Ohomorihi awụ nịnị, Ohomorihi Ọnịnị Ísirẹrị ọ vaa mẹ ka ọ̀ vavọọ ya nị. Mị vaa sị ụbanyị ọnịrị igirimaa yị wụ nịnị.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ayịsaya 60:4

Kana eyi kara ẹngụ di e re ịsị ana mẹ. Aza awụ aa kụ́ ẹngụ gụ ka ẹnị aa vẹ eehi. Ezi anị vaa hụrẹ aha ẹnẹẹnẹ vẹ; Ezi anẹẹ anị vị ana a vaa kụ́ nọ ẹkụra ọsa anka ezinụvọ avọọ.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Iruuku 15:8

“À rẹ kà a ka â nyị ọnẹẹ ọnya ana nyị ẹkẹhị isiriva ẹẹwụ, di o vú ọnya ịnị anị nị. Wéé ro ka ẹ yị vee hú ozotupa, di o hì irehi anị, dị ọ tangwa ee sì ọọ avaba aha pooro di ò re e?

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Ịjọọnụ 1:12

Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Aniroomi 3:29

Ohomorihi Aniju kẹnẹ Óhomorihi wâ vị nị? Aanị ka ẹ yị vị ọnị ọ rẹ vị Ohomorihi Anigiriki nịnị? Ọnị ọnyọọnya ọ vị Ohomorihi ẹnịnị nị,

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

Anẹhwẹsọsị 1:5

Ohomorihi ộ vịdị sị eto anị mẹ ka ini oze Ijeesu Ikirisiti ọnị vaa sị ẹyịị mẹ ezi anị. Ịsa ene zé e eyi, dị ọ yẹ ịnị ayị anị ka óo zoza ka ọnị ọ̀ mẹ ọ vị ọnọọ nị.

Anẹhwẹsọsị 3:11

Hụrị ụmọrụmọ Óhomorihi hụrẹ mẹ eto ịsa ẹnẹẹ nị, ana ahịka ọ va mẹ ini oze ụvọ Ijeesu Ikirisiti Ananyị yị.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 3:2

Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.