Ịjọọnụ 11:41 - IWE ỌNỊNỊ

⁴¹ Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 11:41 ပူးပေါင်းရင်းမြစ်များ

Ahẹ Ụgama 123:1

Ẹnẹyịmavara, ẹwụ ana yaayịtẹ tụ́ ini ihinẹba, ẹwụ m maa tụra eyi nọ.

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Imatiwu 11:26

Ọga, avọọ gẹdẹ-gẹdẹ o mè zé wu eyi nị.

Imatiwu 27:60

Dị ọ sị ọọ na tụ́ ịnị ụsị ọwọọwa ọnị ọ vịdị chị tụ́ ịnị ịrẹta yị ẹngụ anị nị. Dị ọ zina ịrẹta ọbanyị ọnya gù ụsị ọnọọ irenu nị.

Ịmaakị 15:46

Dị Ijosẹẹhụ na hị́ ịta ọvụ, di o chí oku Ijeesu hụrẹ ịrẹsụ apavahị, dị ọ sị ịta ọnọọ chire e ikuma nị. Dị ọ sị ọọ na tụ́ ịnị ụsị ana a vịdị sị chị tụ́ ịnị ịrẹta nị. Di o zina ịrẹta ọnya gù ụsị ọnọọ irenu nị.

Iruuku 10:21

Ịnị ụmẹ ọnọọ gẹdẹ-gẹdẹ dị Ụhwẹ Ọnịnị mẹ ka ịnẹ Ijeesu ò hine ẹtẹẹtẹrẹ nị. Dị ọ ka, “Nda ana nyị ẹbẹẹba ọnịrị ẹhẹ, mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ. Nda, avọọ gẹdẹ-gẹdẹ o mè zé wu eyi nị.

Iruuku 18:13

Dị ọdẹkẹhirehi ọnọọ ọnị jẹẹ ẹ́nẹẹnẹ nị. Ọ yị hyakụ nyayịnẹ sị eyi anị tụ́ ẹba. Dị ọ sị ụvọ kú ịrẹsụ, dị ọ ka: ‘Ohomorihi, aarịhịnị, vayị ẹmị ọnịvị!’ ”

Iruuku 24:2

Di e re ka ịrẹta ene gu ụsị ọnọọ irenu, o si zina kwooze nị.

Ịjọọnụ 11:22

Ama mâ yẹ ka booro aanị, ịsị ụ wàa dá ịpẹ ka Ohomorihi ọ̀ mẹ wụ kẹnẹ, ọ raa mẹẹ wụ nị.”

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 20:1

Ẹnẹnẹ viri-viri, ịnị ẹkụhị ọsẹ, ẹtẹ oò yi hweyi, dị Imeri Anịmagịdara nọ ini ikuta, di o ne tù ka a sị ịrẹta zina hụụnị enoze ikuta ọnọọ nị.

Odeyi 7:55

Ụhwẹ Ọnịnị ọ raà dọ avaba ayị Isitivini, di ee re ẹbẹẹba gegege, di o re igirima Ohomorihi nị. Di o re re ka Ijeesu jẹẹ éyi ụvọrị Ohomorihi nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.