Ịjọọnụ 10:7 - IWE ỌNỊNỊ

⁷ Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịjọọnụ 10:7 ပူးပေါင်းရင်းမြစ်များ

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Ahẹ Ụgama 79:13

Ịjọnọọ dị ẹyị aza awụ ọnị waa tẹsị anị anka ọza mẹ̀ẹ tẹsị ịsụpa avọọ, dị ẹyị aa kú wụ avọ pooro. Di ezi ịrẹma-ịrẹma ẹnị raa kụ avọ ịrẹyị ọnọnị. Dị yaa jị ahẹ kụ́ wụ.

Ahẹ Ụgama 95:7

Ọnị ọ vị Ohomorihi ayị nị, dị ẹyị vị aza anị ene ee sere nị. Vị ị sị mẹẹ atẹmẹ anị ana aa tẹsị anị avọọ nị. Wàa wụ́ ka ộ kà ịrẹyị nịnị ajịnị, asị ụ mẹ̀ akamawụ hị́ ọ nịnị. Wâ yẹ ka avọọ ohiku awụ nịnị mẹ̀ me akamawụ hị́ ọ ịzị aā hị́ Imeriba ọnịrị Imasa ịnị ụnọmị nị.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 36:38

Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.

Ịjọọnụ 10:1

Ijeesu ka, “Ịzẹyịza m maa kà a wụ nị, ọza ẹnẹ ẹ̀ yị zị oze obooro ngụ irehi ịzị aā kụ́ atẹmẹ hi, dị ọ na zị oze ọsa hịrẹ ngụ eehi nị, oyi obooro ọ́za ọnọọ vị nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.