Ịjọọnụ 10:6 - IWE ỌNỊNỊ

⁶ Ijeesu ô che ụhịrẹyị ọnọọ yị aza, ama ẹ yị yẹ ịsị aa sịị kà a yị ẹnị.

Ịjọọnụ 10:6 ပူးပေါင်းရင်းမြစ်များ

Ahẹ Ụgama 106:7

Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ. Ẹ yị tamayị ịsa irenyi-irenyi ọnị ụ mẹ yị wa, dị ẹ yaa kụ̀ụ hịrẹ wụ ụtọ Okuha Ịkịịkẹ nị.

Ahẹ Ụgama 82:5

Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ịdanịyẹrị 12:10

Anggẹẹrị ọnọọ ka Ohomorihi vaa nyịna aza ọrụrụ-ọrụrụ hụụnị ịdọtị ẹnịnị, dị ẹ kụkụ vị ọnịnị. Aza anaa mẹ̀ ebira odivi ẹ yị vaa yẹ ịsị aa na, ama dị ẹ yaa yịị mẹ odivi ẹnịnị. Aza ana sị ụvọ za ịrẹyị Ohomorihi kẹnẹ ẹ vaa yẹ ịsị aa na nị.

Imatiwu 13:34

Avaba ịsa ẹnẹnị Íjeesu kà yị ọkọnị aza ịnị ụhịrẹyị nị. Ẹ yị nyị ịsị ọ kà yị wa ẹnẹ ẹ̀ yị vị ịnị oze ụhịrẹyị.

Imatiwu 13:51

Dị Ijeesu họ̀ wa use ka, “Ịrẹyị ẹnẹnị ô ye wu nịnị?” Dị ẹnịnị ka hịịn nị.

Ịmaakị 4:34

Ẹ yị nyị ịsị ọ kà yị wa, ẹnẹ ẹ̀ yị vị ini oze ụhịrẹyị. Ama ịjị ọ sị vị ọnịrị ezirẹma anị anava, dị ọ tangwa kà iruvo avaba anị zụ̀ ezirẹma anị nị.

Ịjọọnụ 16:25

Dị Ijeesu ka, “Ịrẹyị ẹnẹnị vị ọnị mị vịdị aa sị ụhịrẹyịị kà a wụ nịnị. Ama ụmẹ aa vẹ, ọnị mẹ̀ yị kụkụ vaa sị ụhịrẹyịị kà ịrẹyịị wụ nịnị. Mị kụkụ vaa kà ịrẹyị Ada amịị zụ̀ wụ nịnị chapaa kẹnẹ nị.

Ịjọọnụ 16:29

Dị ezirẹma anị kà a yọ ka, “Ịhịịn, wee re ụ mẹ̀ kụkụ aa kà ịrẹyị chapaa, dị ụ wẹ̀ yị kụkụ sị ụhịrẹyị kà ịrẹyị.

Ịjọọnụ 6:52

Ọsọnị ộ mẹ̀ ka Aniju nịnị è nyima ee pe ẹngụụ nyị ahankata ẹtẹẹtẹrẹ. Ẹnịnị ka, “Ọ́nọrụ ọnọnị mẹmẹ nyẹngụ sị ọchẹngụ anịị yị ka ya rị ọọ?”

Ịjọọnụ 6:60

Ezirẹma Ijeesu ọrụrụ-ọrụrụ ệ wụ́ ịrẹyị ẹnẹẹ, dị ẹ ka, “Ịrẹyị ẹnẹnị ẹ sị katẹngụ, ẹnẹ vana zụ wụ́ ẹngụ ịrẹyị ẹnẹnị da?”

Ịjọọnụ 7:36

Ẹngụ ịrẹyị ịsị aa hị́ avọọ, ka, “U vee sì mi nịnị, di u we yi zụ re mi nịnị; ịzị màa yà, wẹ yị va zụụ vẹ ịzọọ nịnị?”

Ịjọọnụ 8:27

Ẹnịnị ẹ yị yẹ ka ini oze Ohomorihi Ada ayị aa kà a yị ẹnị nị.

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

2Ipita 2:22

Ịsị e tù ẹngụ aza ẹnẹẹ, ọ́ọ sị zụ̀ ka ụhịrẹyị ọnya ene eē che, vị ịzẹyịza. Ụhịrẹyị ọnọọ ka: Irezi ọ sị varẹma aa nọ ịnị ịhyẹrẹ anị. Ụra ana á sị hụ enyi, ọ zị varẹma rẹ na ngụ ịnị ụdọ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.