Ịjọọnụ 10:5 - IWE ỌNỊNỊ

⁵ Àa vị ọzọgaa yọ, atẹmẹ anị ẹ yị vaa zẹẹ ka ẹnị ẹ̀ saasa a na, ama vi eyee zwee yọ nị, agụvị ka ẹnịnị ẹ yị yẹ ọngwẹ ọzọga.”

Ịjọọnụ 10:5 ပူးပေါင်းရင်းမြစ်များ

1 Ohinọyị 22:7

Di Ijehosahwati ve họ̀ use dị ọ ka, “Aanị ka ẹ yị kụkụ nyị ọnịsẹ Ẹnẹyịmavara ọsa ịzẹnị, dị à rẹ họ̀ ọ use?”

Ụhịrẹyị 19:27

Ozi emi, ụmẹ ọnị waa ka wẹ yị kụkụ wụ́ ịrẹyị ọza, ịrẹyọyẹ nyima aa hụrẹ wụ ụvọ avọọ nị.

Ịmaakị 4:24

Dị ọ kà a yị wa ka, “Sị ụtọ pe ịrẹyị ọnị ụ waa wụ́ nịnị o! Ịsị ụ wàa sị mọ ịsa yị ọza, a rẹ vaa sị mọ ọ yị wụ nị; dị a ká tụ ọ wụ hu avọọ.

Iruuku 8:18

Agụvị avọọ sị eyi pe ẹngụ awụ nịnị, ụ mẹmẹ aa wụ́ ịrẹyị nịnị! Ọza ana àa nyị ịsa, vị Ohomorihi vaa dàa tụ́ ọọ yọ nị. Ọza ẹnẹ ẹ̀ yị nyị, oyichee ọnị ọ hyakụ nyị, di aa dọ ọ hụrẹẹ ụvọ.”

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 10:4

Ọ̀ọ raà kụ́ wa hi ẹhẹ, dị ọ tụ́ ọvịdị ẹnịnị, dị atẹmẹ anị aa dụ ọọ ịrẹma, agụvị ka ệ yẹ ọngwẹ anị.

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

1 Ịjọọnụ 2:21

Ẹ́ yị vị agụvị ka wẹ yị yẹ ịzẹyịza nịnị m maa sịị chẹrẹ ịsaa tụ́ụ hi wu nịnị, ama agụvị ka waa yẹ ịzẹyịza nịnị yọ nị. Wa rẹ yẹ nịnị ka ịrẹyị ịzẹyịza ọ ma nyị ireche.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.