Ịjọọnụ 10:32 - IWE ỌNỊNỊ

³² Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ịjọọnụ 10:32 ပူးပေါင်းရင်းမြစ်များ

Ahẹ Ụgama 35:12

Màa mẹ wa ọyịza, dị ẹ sị odivi si mi atọ e yee sì ka ẹnị ẹ̀ dọ mị ụhwẹ.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ijeremaya 37:18

Ijeremaya ka ọnị ộ varẹma họ̀ ohinọyị Ịzẹdẹkaya use ka, ebira odivi sị ọnị mẹ hi ọ ọnịrị ọdọvịdị anị nịnị, sị ọnị mẹ aza, ọnị asị jị ọnị ẹngwa kẹ?

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Ịjọọnụ 10:25

Dị Ijeesu tụ́ ohi, dị ọ ka, “Mâ vịdị sị ọọ kà a wụ nịnị, ama we yi sì ka wa dọ wụ́ nịnị. Ụkọrọ ẹbanyị-ẹbanyị ọnị mị hyakụ aa sị ịrẹha Ada amịị mẹ, vị onivenu ịrẹyị amị.

Ịjọọnụ 10:31

Dị Aniju nịnị rẹ raà kụ́ ụvọ kụ́ ịrẹta ka eni è ne e hi ọọ nị.

Ịjọọnụ 10:33

Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịjọọnụ 10:37

Mẹ̀ yị mẹ̀ ụkọrọ ana Ada amị ka ma mẹ, asị ụ dọ mị wụ́ nịnị!

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.