Ịjọọnụ 10:16 - IWE ỌNỊNỊ

¹⁶ Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 10:16 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 86:9

Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.

Ịrẹyị Ọzwọzịsa 12:11

Ịrẹyị ana aza ana yẹ ịrẹyị kà vị ana sị mẹẹ anka ọchị ọnị oseratẹmẹ nịnị aa sị zụ atẹmẹ nịnị oze, dị ụhịrẹyị ana aa tọ̀ọ vabẹ aanị sị mẹ̀ ẹ anka iso ana a kanyị hi ịsa ẹtẹẹtẹrẹ avọọ nị. Ohomorihi ọ sị wa yị nị. Ọnị ịnyara ọ vị oseratẹmẹ avaba ayị nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ezikẹẹrị 34:6

Atẹmẹ ọnị ẹ́ kụkụ naa ngụ ịrẹsụ ataba-ataba zịịzị. Ẹnịnị ẹ kụ gara hi avaba ẹhẹ. Ẹ́ yị nyị ọza ene ne sì wa.

Ezikẹẹrị 37:22

Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Iruuku 15:8

“À rẹ kà a ka â nyị ọnẹẹ ọnya ana nyị ẹkẹhị isiriva ẹẹwụ, di o vú ọnya ịnị anị nị. Wéé ro ka ẹ yị vee hú ozotupa, di o hì irehi anị, dị ọ tangwa ee sì ọọ avaba aha pooro di ò re e?

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Ịjọọnụ 10:2

Ọza ana àa zị oze obooro ngụ irehi atẹmẹ, ọza ọnọọ ọ vị ọza ana aa tẹsị atẹmẹ obooro nị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 10:3

Ẹngụ ọza ọnọọ, ọza ene ee sere oze vaa na oze yọ. Atẹmẹ nịnị vaa wụ́ ọngwẹ anị, ọ màa hị́ wa ịrẹha, dị aa kụ́ waa nọ ẹhẹ.

Ịjọọnụ 10:4

Ọ̀ọ raà kụ́ wa hi ẹhẹ, dị ọ tụ́ ọvịdị ẹnịnị, dị atẹmẹ anị aa dụ ọọ ịrẹma, agụvị ka ệ yẹ ọngwẹ anị.

Ịjọọnụ 10:5

Àa vị ọzọgaa yọ, atẹmẹ anị ẹ yị vaa zẹẹ ka ẹnị ẹ̀ saasa a na, ama vi eyee zwee yọ nị, agụvị ka ẹnịnị ẹ yị yẹ ọngwẹ ọzọga.”

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 17:20

“Ẹ yị vị ẹnịnya kẹnẹ, m maa mẹ̀ aduwaa yị; mị raa mẹ̀ aduwaa yị aza ana vaa sị ayịị tụra mị ini oze ịrẹyị ẹnịnị.

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Odeyi 22:14

Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

2 Anịtẹsaronika 2:13

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.