Ịjọọnụ 10:1 - IWE ỌNỊNỊ

¹ Ijeesu ka, “Ịzẹyịza m maa kà a wụ nị, ọza ẹnẹ ẹ̀ yị zị oze obooro ngụ irehi ịzị aā kụ́ atẹmẹ hi, dị ọ na zị oze ọsa hịrẹ ngụ eehi nị, oyi obooro ọ́za ọnọọ vị nị.

Ịjọọnụ 10:1 ပူးပေါင်းရင်းမြစ်များ

Ijeremaya 14:15

Ẹnẹyịmavara kà, ọnị aa ka ịsị ọnị vaa mẹ ọnịsẹ ẹnẹẹ ọnị ọnị ẹ yị tụ ụtụ ama dị ẹ naa ka a zị ka ịrẹkụ ẹ yị vaa ngụ ẹkụra; ụngwẹ ẹ yị rẹ vaa ngụ ịzọọ bẹẹ. Eyi ịrẹkụ ọnị vaa wụ̀ wa, dị ọnị sị ụngwẹ wụ̀ ẹnị ana vọ nị.

Ijeremaya 23:21

Ẹnẹyịmavara kà, dị ọnịsẹ ẹnẹnị daka ee zwe echi dị ẹyaa kà ịsẹ ngwọọ zịịzị aanị, ọnị ẹ yị tụ wa ụtụ; ọnị ẹ yị kà ịrẹyị yị wa.

Ijeremaya 23:32

Ẹnẹyịmavara kà, ịzẹyịza, ọnị ọ raa và eyirazị ka ẹnị ọnịsẹ enee cheeche ka vị ẹnị ra ụra aanị nị. Avọọ ẹ maa kà a dị ẹyaa sị ireche ẹbanyị-ẹbanyị ẹnịnị kụ aza anịị nyeeyi nị. Ama ọnị ẹ́ yị tụ wa ụtụ. Ẹ́ yị nyị aha ẹnịnị ana aza aa rị vụrụ-vụrụ.

Ijowẹrị 2:9

Dị e zwe duu na ngụ ẹkụra dị ẹ yaa zị ụsẹ ịrẹsụ ọvọ; dị ẹ yaa hịrẹ ịrẹsụ irehi, dị ẹ yaa ngụ ozokete anka oyi avọọ nị.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Ịjọọnụ 10:7

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Aniroomi 10:15

Ọza ọ̀ yị tụ́ ọza ka ọ̀ na kà enube ọnọọ, ọ mẹmẹ va naa kà a? Â vịdị vavọọ chẹrẹẹ tụ́ ini Iwe Ohomorihi ka, “Ọọ da zoza kẹnẹ ka aza anaā kà enube ọyịza aa vẹ.”

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Anihiburu 5:4

Ẹ́ yị nyị ọza anaā sị udi ụbanyịị yị ẹngụ anị, dị ọ sị ẹngụ anị vị ohirẹsụ ọbanyị irehi Ohomorihi. Ọza oni Ohomorihi ọ̀ọ hị́ kẹnẹ, anka ọ mẹ̀ hị́ Eerọnị, ọ zụ nyẹngụ yà udi ọnọọ nị.

1Ipita 1:10

Ịnị ụmẹ ịyẹẹyẹ, ọnịsẹ nịnị ệ kà ịrẹyị ini oze ayamva oni Ohomorihi vaa vayị awụ nịnị. Ê sì iruvo hwịnị-hwịnị ka ẹnị ẹ̀ yẹ, Ohomorihi mẹmẹ vaa dọ wụ nịnịị há.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.