Ịjọọnụ 1:41 - IWE ỌNỊNỊ

⁴¹ Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Ịjọọnụ 1:41 ပူးပေါင်းရင်းမြစ်များ

2 Ohinọyị 7:9

Dị ẹnịnị va kà a yị ẹngụ kà, ịsị ẹnị aa mẹ aanị e yi zoza. Ajịnị vị ẹkụhị ịrajẹ, ẹnị ẹ̀ yị na kà a, dị ẹnị jẹẹ ka eyi ọ̀ nị nị, vị a vaa sị ụyaa rị ẹnị nị, avọọ a vẹ vị ẹnị ẹ̀ na kà a idi ohinọyị.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ahẹ Ụgama 89:20

Ụ ka wê re Idevidi ozi ahụ awụ, dị ụ sị angwẹ awụ nyị ọ ka ọ̀vị ohinọyị nị.

Ayịsaya 11:2

Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ. Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ. Ohinọyị ọnọọ vaa yẹ ịsa ọnị Ohomorihi sì,

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Iruuku 2:17

Ịjị e si oo re, ẹnịnị ệ kà ịrẹyị ọnị anggẹẹrị kà yị wa ini oze ozi ọnọọ.

Iruuku 2:38

Ụmẹ ana a sị Ijeesu vẹ gẹdẹ-gẹdẹ, dị ọnị rẹ vẹ, dị ọnị raa kụ́ Ohomorihi avọ nị. Dị ọ kà ịrẹyị ini oze ozi ọnọọ yị avaba aza ene ee zí Ohomorihi eyi ka ọ̀ va dọ Ijerusarẹmị tụ́ nị.

Ịjọọnụ 1:45

Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 4:25

Dị ọnẹẹ ọnọọ ka, “Mâ yẹ ka Imesaya ana aā hị́ Ikirisiti vaa vẹ ẹhẹ. Ọ̀ọ vẹ, ọ vaa kà avaba ịsaa zụ̀ yị.”

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.