Ịjọọnụ 1:4 - IWE ỌNỊNỊ

⁴ Ịrẹyị ọnọọ ọ mẹ ka ịsavị-ịsavị ẹ̀ yàra nị. Ọyịyàra ọnọọ aa sị ẹtohweyi zụ̀ aza nị.

Ịjọọnụ 1:4 ပူးပေါင်းရင်းမြစ်များ

Ahẹ Ụgama 49:6

Aza edivi ẹnẹẹ vị ana sị ayị tụra ogu ẹnị ẹ nyị dị ẹ yaa sị ẹkẹhị ẹnịnị wo oto.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịjọọnụ 12:35

Dị Ijeesu tụ́ ohi, dị ọ ka, “Etohweyi vaa yà ịnị akakana awụ nịnị yị ụmẹ chee. Waa zị ụsẹ nịnị ịnị ụmẹ ene ẹtohweyi sị yà ịdị awụ nịnị, ka ẹ̀ yị vị avọọ, ịrahụ va za wụ nịnị. Wâ yẹ ka ọza ana aa zị ụsẹ ịnị ịrahụ, ọ yị yẹ ịzị aa nọ.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 3:19

Ịvị ana aza ẹnẹẹ rị, yị: Ka ẹtohweyi ộ vẹ ịnị ẹhẹ, ama aza ê sì ịrẹyị ịrahụ huna ẹtohweyi, agụvị ka ịsa odivi ẹ́ yaa mẹ nị.

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ịjọọnụ 9:5

M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”

Odeyi 26:23

Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Anikorasi 3:4

Ikirisiti ọ vị ẹhẹ ayị nị; ịhị ọ̀ọ sị ẹngụ zụ̀, ẹyịrị ọ ọ vaa sị ẹngụụ zụ̀ ini igirima anị nị.

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

1 Ịjọọnụ 1:2

Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị.

1 Ịjọọnụ 5:11

Ivenu oni Ohomorihi dọ yị: Ohomorihi ộ mẹ̀ ka ya yàra ịdị anị pooro zịna-zịna. Agụvị Ozi anị ị vavọọ nyẹngụ sị yára nị.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.