Ịjọọnụ 1:34 - IWE ỌNỊNỊ

³⁴ Ma si oo re, mâ dọ ivenu tụ́ ọọ ka ọnị ọ vị Ozi Ohomorihi nị.”

Ịjọọnụ 1:34 ပူးပေါင်းရင်းမြစ်များ

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 27:40

Dị ẹ ka, “Ẹwụ ene vee wú irehi Ohomorihi, di u re tenyi ọọ dà ịhyẹgwẹta anị! Àa vị Ozi Ohomorihi ụ vị nị, dọ ẹngụ awụ tụ́, di u we chí hụụ ịrẹsụ apavahị vẹ!”

Imatiwu 27:43

Ộ sị ayị tụra Ohomorihi; Ohomorihi òo sì ọọ, ọ̀ dọ ọ tụ́ booro aanị kẹ! Ộ kà a ka Ozi Ohomorihi ọ́nị vị nị.”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Imatiwu 4:6

Dị ọ kà a yọ ka, “Àa vị Ozi Ohomorihi ụ vị nị, ji hi ẹtẹ! Wâ yẹ ka a sị ọọ chẹrẹ ka: ‘Ọ vaa mẹ ọdaa yị anggẹẹrị anị agụvị awụ, dị ẹ gụ wụ rị ụvọ, agụvị asị ụ na gù ahụ awụ chire ịrẹta.’ ”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Ịmaakị 1:11

Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Iruuku 3:22

Dị Ụhwẹ Ọnịnị chí vẹ anka arivadi avọọ, dị ọ và kú ọọ nị. Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 10:30

Ẹmịrị Ada amị vị ọnya.”

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 11:27

Di Ịmata ka, “Hịịn, Ananyị yị, mâ dọ wụ́ ka ẹwa vị Ikirisiti ọnọọ ana vị Ozi Ohomorihi ana a kà a ka ọ vaa vẹ ẹhẹ nị.”

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

Anihiburu 7:3

Imerikizẹdẹkị ọ yị nyị ada, à vị ọnyị, ọ yị rẹ nyị ịpa ịrẹsụ ọnyọọnyị. Ẹ́ yị nyị ka ẹkụhị aanị-aanị a sị maa nị, ẹ́ yị rẹ nyị ka ịhị aanị-aanị o sú nị. Vị ọ sị mẹẹ anka Ozi Ohomorihi avọọ nị, ọnị ọ vị ohirẹsụ ọbanyị irehi Ohomorihi pooro nị.

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.

1 Ịjọọnụ 4:9

Aanị Ohomorihi mẹmẹ sị zụ̀ yị gedebee ka oni ô sì ịrẹyị ayị nị: Ọ́ tụ́ Ozi anị ikonya gene-gene vẹ ẹhẹ agụvị dị ya nyẹngụ yara ịnị oze anị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.

Ẹtore 2:18

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Itiyatira ka: Ozi Ohomorihi oni eyi anị aa za nyanga-nyanga anka ịra, dị ahụ anị aa za nyoo-nyoo anka enyusẹ, ọ tụ́ ụtụ ọnọnị nị: